මේ දවස්වල ශබ්ද විකාශන යන්ත්ර සහ ඇම්ප්ලිෆයර් භාවිතය සම්බන්ධයෙන් ශ්රී ලංකා පොලිසියෙන් අලුත්ම දැනුම්දීමක් කරලා තියෙනවා. ගොඩක් අය ශබ්ද විකාශන යන්ත්ර පාවිච්චි කරද්දී අසල්වැසියන්ට කරදරයක් වෙන විදිහට සද්දෙ දාන එක දැන් ලොකු ප්රශ්නයක් වෙලා. විශේෂයෙන්ම පොඩි ළමයින්ට, පාසල් යන දරුවන්ට, ලෙඩ රෝගවලින් පෙළෙන අයට සහ වැඩිහිටියන්ට මේ ශබ්ද දූෂණය නිසා ලොකු මානසික පීඩනයක් ඇතිවෙනවා කියලා පොලිසිය පෙන්වා දෙනවා. ඒ නිසා නීතියට පටහැනිව කටයුතු කරන අයගේ ශබ්ද විකාශන උපකරණ අත්අඩංගුවට ගන්නත් පොලිසිය තීරණය කරලා තියෙනවා.
සාමාන්යයෙන් රාත්රී 10 සිට උදෑසන 6 දක්වා ශබ්ද විකාශන යන්ත්ර පාවිච්චි කරන්න අවසර නැහැ. විශේෂ ආගමික උත්සව හෝ වෙනත් අවස්ථාවලදී පොලිස් අවසරය අරගෙන නියමිත වෙලාවට වැඩේ කරගන්න පුළුවන්. ඒත් මතක තියාගන්න, අවසර ගත්තා කියලා ඕනෑවට වඩා සද්දෙ දාන්න කාටවත් අයිතියක් නැහැ. සද්දෙ සීමා වෙන්න ඕනේ අදාළ පරිශ්රයට විතරයි. පොලිසිය මේ ගැන නිරන්තරයෙන් අවධානයෙන් ඉන්නවා. පැමිණිල්ලක් ලැබුණොත් පොලිසිය ඇවිත් ශබ්දෙ අඩු කරන්න කියනවා, ඒත් දිගටම නීතිය කඩ කරනවා නම් උපකරණ ටික පොලිසිය භාරයට ගන්නවා.
ඔබේ ප්රදේශයේ මෙහෙම නීති විරෝධී විදිහට සද්දෙ දානවා නම් ඒ ගැන ළඟම තියෙන පොලිස් ස්ථානයට හෝ 118, 119 කියන හදිසි ඇමතුම් අංකවලට කතා කරලා දැනුම් දෙන්න පුළුවන්. හැමෝම වගකීමෙන් වැඩ කරනවා නම් අපිට සාමකාමී පරිසරයක ජීවත් වෙන්න පුළුවන්.

Discussion & Feedback