අපේ සෞරග්‍රහ මණ්ඩලයේ තියෙන කුඩාම ග්‍රහලොවක් වන ප්ලූටෝ ගැන අලුත්ම විද්‍යාත්මක තොරතුරු ටිකක් එළියට ඇවිත් තියෙනවා. ප්ලූටෝ සූර්යයා වටා ගමන් කරද්දී සූර්යයාගෙන් ගොඩක් ඈතට ගමන් කරන නිසා, ඒ ග්‍රහලොවේ තියෙන නයිට්‍රජන් බහුල වායුගෝලය ක්‍රමයෙන් මිදී ගොස් අයිස් බවට පත්වෙමින් පවතින බවයි විද්‍යාඥයන් පවසන්නේ. ඇරිසෝනාහි ග්‍රහලෝක විද්‍යා ආයතනයේ අමන්දා සිකාෆූස් ප්‍රමුඛ පර්යේෂකයන් පිරිසක් මේ බව තහවුරු කරගෙන තියෙනවා. ප්ලූටෝගේ මතුපිට උෂ්ණත්වය දැනටමත් සෙල්සියස් අංශක -230ක් වගේ ඉතා අඩු අගයක පවතින නිසා, මේ වෙනස තවත් දරුණු වෙන්න පුළුවන්.
ප්ලූටෝ සූර්යයා වටා එක වටයක් සම්පූර්ණ කරන්න වසර 248ක් විතර ගත වෙනවා. 1989 වසරේදී ප්ලූටෝ සූර්යයාට ආසන්නතම ස්ථානයට පැමිණි අතර, එදා ඉඳන් දැන් එය ක්‍රමයෙන් සූර්යයාගෙන් ඈතට ගමන් කරනවා. 2114 වසර වන විට ප්ලූටෝ සූර්යයාගෙන් ඉතාම දුරස්ථ ස්ථානයට ළඟා වෙනවා. විද්‍යාඥයන් මේ තත්ත්වය නිරීක්ෂණය කරන්නේ ප්ලූටෝ පසුපසින් තියෙන තරු ආලෝකය ප්ලූටෝ හරහා ගමන් කරන විට සිදුවන වෙනස්කම් අධ්‍යයනය කිරීමෙන්. 2017 ඉඳන් 2023 දක්වා කාලය තුළ සිදුකළ නිරීක්ෂණවලින් පෙනී ගිහින් තියෙන්නේ ප්ලූටෝගේ වායුගෝලීය පීඩනය ක්‍රමයෙන් අඩුවෙමින් පවතින බවයි. මේක ඇත්තටම ප්ලූටෝගේ වායුගෝලය අයිස් බවට පත්වෙලා මිදී යාමේ මූලික ලක්ෂණයක් විදිහට තමයි විද්‍යාඥයන් දකින්නේ.
Discussion & Feedback