අධ්යාපන ක්ෂේත්රයේ සිදුවෙන්න යන ලොකු වෙනස්කම් ටිකක් ගැන අලුත්ම තොරතුරු ටිකක් එළියට ඇවිත් තියෙනවා. අධ්යාපන ප්රතිසංස්කරණ පිළිබඳ අනුකමිටුව කියන විදිහට, අනාගතයේදී අ.පො.ස. සාමාන්ය පෙළ විභාගයට පෙනී ඉන්න සිසුන්ට තියෙන විෂයයන් ගණන හතක් දක්වා අඩු කරන්න තමයි සැලසුම් කරලා තියෙන්නේ. මේ අතරට ඉතිහාසය සහ සෞන්දර්ය විෂයයන් අනිවාර්යයෙන්ම ඇතුළත් වෙනවා. අග්රාමාත්ය සහ අධ්යාපන ඇමතිනි හරිනී අමරසූරිය මහත්මියගේ ප්රධානත්වයෙන් පැවති සාකච්ඡාවකදී තමයි මේ තීරණ ගැන වැඩිදුරටත් සාකච්ඡා වුණේ. ඒ වගේම උසස් පෙළ සිසුන් සඳහා සමාජ සහජීවනය, නීතිය සහ ආචාරධර්ම වගේ අලුත් විෂය කොටස් හඳුන්වා දෙන්නත් කටයුතු සූදානම් කරලා තියෙනවා.
මේ ප්රතිසංස්කරණ වැඩපිළිවෙල 2027 වසරේ ඉඳන් ක්රියාත්මක කරන්න තමයි බලාපොරොත්තු වෙන්නේ. දැනටමත් දෙවන සහ හයවන ශ්රේණි සඳහා අවශ්ය අභ්යාස පොත්, ගුරු මාර්ගෝපදේශ සහ විෂය මොඩියුල සකස් කරලා ඉවරයි. ඒ වගේම ගුරුවරුන් පුහුණු කිරීමේ වැඩසටහන් දැනටමත් සිද්ධ වෙනවා. මේ වෙනස්කම් ගැන දෙමව්පියන් සහ සිසුන් දැනුවත් කිරීමේ වැඩසටහන් ඉදිරියේදී දිගටම ක්රියාත්මක වෙන්න නියමිතයි.
මේ අතර පෙර පාසල් අධ්යාපනය ක්රමවත් කරන්නත් ජාතික ප්රතිපත්තියක් හදලා තියෙනවා. පෙර පාසල් ලියාපදිංචිය, විෂය නිර්දේශ සකස් කිරීම සහ ගුරු පුහුණු වැඩසටහන් මේ යටතේ ඉතාම ක්රියාශීලීව සිද්ධ වෙනවා. අධ්යාපන ක්ෂේත්රයේ මේ එන වෙනස්කම් නිසා අපේ දරුවන්ට වඩාත් ප්රායෝගික සහ ගුණාත්මක අධ්යාපනයක් ලබාගන්න පුළුවන් වෙයි කියලා තමයි බලාපොරොත්තු වෙන්නේ.

Discussion & Feedback