දැන් අපේ රටේ සංචාරක අත්දැකීම් අලුත් කරන්න PickMe ආයතනය අලුත්ම වැඩක් පටන් අරන් තියෙනවා. ඒ තමයි ‘PickMe Explore’ කියන වේදිකාව. මේ හරහා කොළඹ නගරයේ තියෙන සංචාරක ආකර්ෂණ, අවන්හල්, විනෝදාස්වාද මධ්යස්ථාන සහ සංස්කෘතික ස්ථාන එකම ඩිජිටල් ජාලයකට සම්බන්ධ කරනවා. මේ වැඩසටහනේ පළමු පියවර විදියට ‘Colombo Connect’ ආරම්භ කරලා තියෙන්නේ කොළඹ නෙළුම් කුළුණත් එක්ක එකතු වෙලා. ඉතින් දැන් ඔයාලට PickMe ඇප් එක හරහාම නෙළුම් කුළුණට යන්න ටිකට් ගන්න වගේම, QR කේතයක් පාවිච්චි කරලා පහසුවෙන් ඇතුළු වෙන්නත් පුළුවන්.
මේ ව්යාපෘතියේ ප්රධාන අරමුණ වෙන්නේ සංචාරකයින්ට කොළඹ නගරය ඇතුළේ තියෙන දේවල් ගැන වැඩිපුර හොයලා බලන්න අවස්ථාව ලබා දෙන එකයි. සාමාන්යයෙන් සංචාරකයින් කොළඹට ආවට පස්සේ වැඩි වෙලාවක් නොසිට කෙලින්ම වෙනත් ප්රදේශවලට යනවා. ඒත් මේ වගේ පහසුකම් නිසා ඔවුන් කොළඹ තවත් දවසක් හරි වැඩිපුර ගත කළොත්, ඒකෙන් අපේ රටේ ආර්ථිකයට ලොකු වාසියක් වෙනවා. PickMe ආයතනය කියන විදියට මේ සම්පූර්ණ පද්ධතිය හරහා වසරකට රුපියල් බිලියන 30කට වඩා වැඩි ආර්ථික වටිනාකමක් නිර්මාණය වෙයි කියලා ඔවුන් බලාපොරොත්තු වෙනවා.
ඉදිරියේදී මේ පද්ධතිය තවත් පුළුල් කරලා, කොළඹ විතරක් නෙවෙයි මුළු ලංකාවම එකම ඩිජිටල් ජාලයකට සම්බන්ධ කරන්න ඔවුන් සැලසුම් කරලා තියෙනවා. මේ නිසා අපේ රටේ සංචාරක ක්ෂේත්රයට වගේම කුඩා ව්යාපාරිකයින්ටත් ලොකු දියුණුවක් ලැබෙයි. ඔයාලත් කොළඹ නෙළුම් කුළුණේ අලුත්ම අත්දැකීම් විඳගන්න හිතාගෙන ඉන්නවා නම්, දැන් PickMe Explore හරහා ඒ හැමදේම ඉතාම පහසුවෙන් කරගන්න පුළුවන්.

Discussion & Feedback