ලෝකය පුරාම ජනප්රිය වුණු OnePlus ස්මාර්ට්ෆෝන් සමාගම ගැන මේ දවස්වල ලොකු කතාබහක් ඇතිවෙලා තියෙනවා. බ්ලූම්බර්ග් වාර්තා කරන විදිහට, මේ සමාගම ඇමරිකාව සහ යුරෝපය වගේම ඉන්දියාවේ තියෙන ඔවුන්ගේ මෙහෙයුම් කටයුතු සීමා කරන්න හෝ සම්පූර්ණයෙන්ම නවත්වන්න තීරණය කරලා තියෙනවා. මේ තීරණය අරගෙන තියෙන්නේ ඔවුන්ගේ මව් සමාගම වන Oppo ආයතනයේ සිදුවන ප්රතිව්යුහගත කිරීම් සහ ලෝක වෙළඳපොලේ පවතින ඉල්ලුම අඩුවීම වගේ හේතු නිසා. විශේෂයෙන්ම ඉලෙක්ට්රොනික උපකරණවල මිල ඉහළ යාමත් එක්ක පාරිභෝගිකයන් අලුත් ෆෝන් ගන්න එක අඩු කරලා තියෙන එක මේ තීරණයට ලොකු බලපෑමක් වෙලා තියෙනවා.
2013 අවුරුද්දේ පීට් ලෝ සහ කාල් පේයි එකතු වෙලා පටන් ගත්ත OnePlus සමාගම කාලයක් යනකොට තාක්ෂණික ලෝකයේ ලොකු නමක් දිනාගත්තා. හැබැයි දැන් පවතින ‘RAMageddon’ කියන මතක චිප් හිඟය සහ ස්මාර්ට්ෆෝන් අලෙවියේ සිදුවන 13%ක පමණ පහත වැටීම නිසා Oppo සමාගමට ලොකු අභියෝගයකට මුහුණ දෙන්න වෙලා තියෙනවා. කොහොම වුණත්, OnePlus සමාගම චීනය තුළ සිය මෙහෙයුම් දිගටම කරගෙන යන්නත්, යුරෝපයේ ඇතැම් ප්රදේශවල Realme දුරකථන අලෙවි කරන්නත් සැලසුම් කරලා තියෙනවා. තාක්ෂණික ලෝකයේ මේ වෙනස්කම් එක්ක OnePlus රසිකයන්ට නම් මේක ටිකක් කනගාටුදායක ආරංචියක් වෙන්න පුළුවන්.

Discussion & Feedback