වෙනිසියුලාවට බලපෑ දරුණු භූමිකම්පා මාලාවක් හේතුවෙන් මේ වන විට පුද්ගලයන් 235 දෙනෙකුට වැඩි පිරිසක් ජීවිතක්ෂයට පත්වෙලා තියෙනවා. එක දිගට ඇතිවූ මේ භූමිකම්පා නිසා රටේ ප්රධාන නගර රැසකට දැඩි හානි සිදුවෙලා තියෙන අතර, විශේෂයෙන්ම අගනුවර වන කරකාස් සහ ඒ අවට ප්රදේශවල තත්ත්වය ඉතාම බරපතළයි. ගොඩනැගිලි විශාල ප්රමාණයක් බිමට සමතලා වී ඇති අතර, සුන්බුන් අතර සිරවී සිටින පිරිස් බේරා ගැනීමේ මෙහෙයුම් තවමත් ක්රියාත්මක වෙනවා.
කරකාස් නගරයට ආසන්න එල් ජුන්කිටෝ ප්රදේශයේදී ගොඩනැගිල්ලක් කඩා වැටෙන ආකාරය එතැන සිටි අන්තර්ගත නිර්මාණකරුවෙකු (content creator) විසින් වීඩියෝ ගත කරලා තියෙනවා. මේ දර්ශනවලින් පෙනී යන්නේ භූමිකම්පාවේ ප්රබලත්වය කොතරම්ද යන්නයි. ගොඩනැගිලි කඩා වැටෙන ශබ්දයත් සමඟ ප්රදේශවාසීන් බියෙන් හිස ලූ ලූ අත දිව යන ආකාරයත්, අවට ප්රදේශයම දූවිල්ලෙන් වැසී යන ආකාරයත් එම වීඩියෝවෙන් පැහැදිලිවම බලාගන්න පුළුවන්.
මේ වන විට සහන කණ්ඩායම් සහ හමුදාව එක්වී විපතට පත් වූවන්ට උදව් උපකාර කිරීමට දැඩි උත්සාහයක නිරත වෙනවා. කෙසේ වෙතත්, තවමත් පසු කම්පන ඇතිවීමේ අවදානමක් පවතින නිසා ජනතාවට ඉතාම ප්රවේශමෙන් කටයුතු කරන ලෙස බලධාරීන් දැනුම් දීලා තියෙනවා. ඉදිරි පැය කිහිපය තුළ මියගිය සංඛ්යාව තවත් ඉහළ යා හැකි බවටයි වාර්තා වෙන්නේ.

Discussion & Feedback