මේ දවස්වල වෘත්තිකයන් අතර ලොකු කතාබහක් තියෙන PAYE බද්ද සම්බන්ධයෙන් අමාත්ය බිමල් රත්නායක මහතා වැදගත් අදහසක් පළ කරලා තියෙනවා. රජය මේ ගැන හොඳ අවබෝධයකින් ඉන්නේ. වෘත්තිකයන්ට දැනට පවතින බදු බර වැඩියි කියන එක රජය පිළිගන්නවා. ඒ නිසා ඉදිරි අයවැයෙන් මේ බද්දට යම් සහනයක් ලබා දෙන්න රජය බලාපොරොත්තු වෙනවා කියලා තමයි අමාත්යවරයා රූපවාහිනී වැඩසටහනකදී සඳහන් කළේ. ජාත්යන්තර මූල්ය අරමුදල සමඟ තියෙන එකඟතා සහ රටේ ආර්ථික තත්ත්වය ගැනත් හිතන්න වෙන නිසා, බදු අඩු කිරීමේදී යම් සීමාවන් තියෙනවා. ඒත් මුදල් අමාත්යාංශයේ ප්රතිපත්තිය වෙලා තියෙන්නේ වෘත්තිකයන්ට සහනයක් ලබා දීමයි.
ඒ වගේම වැට් බද්ද ගැනත් අමාත්යවරයා අදහස් දක්වලා තියෙනවා. දැනට තියෙන වැට් බදු බරත් වැඩියි කියලා රජය විශ්වාස කරනවා. හැබැයි අයවැයෙන්ම වැට් බද්ද අඩු කරනවද නැද්ද කියන එක තීරණය වෙන්නේ රටේ ආර්ථික සහ මූල්ය තත්ත්වය අනුවයි. රජය අලුතින් බදු පනවන්නේ නැතුව, බදු එකතු කිරීමේ ක්රියාවලිය විධිමත් කරලා සහ අනවශ්ය වියදම් කපා හැරලා රටේ ආර්ථිකය ශක්තිමත් කරන්න කටයුතු කරනවා. කොහොම වුණත්, ඉදිරි දින කිහිපය ඇතුළත එන අයවැයෙන් වෘත්තිකයන් බලාපොරොත්තු වෙන ඒ සහනය ලැබෙයිද කියලා අපිට බලාගන්න පුළුවන් වෙයි.

Discussion & Feedback