ජනප්රිය නිර්මාණකරුවන්ගේ වේදිකාවක් වන පැට්රියන් (Patreon) ආයතනය පසුගියදා සිය සේවක පිරිසෙන් 20%ක් හෙවත් 93 දෙනෙකු සේවයෙන් ඉවත් කිරීමට තීරණය කර තිබෙනවා. මේ පිළිබඳව අදහස් දක්වමින් එම ආයතනයේ ප්රධාන විධායක නිලධාරී ජැක් කොන්ටේ පවසා සිටියේ, වෙළඳපොළේ සිදුවන වෙනස්කම්වලට මුහුණ දීම සඳහා සහ ආයතනයේ වියදම් කළමනාකරණය කර ගැනීම සඳහා මෙම වේදනාකාරී නමුත් අත්යවශ්ය තීරණය ගැනීමට සිදුවූ බවයි. කෙසේ වෙතත්, මෙම සේවක කප්පාදුව කෘතිම බුද්ධිය (AI) නිසා සිදු වූවක් නොවන බවත්, මිනිස් නිර්මාණශීලීත්වය සහ ඔවුන් අතර පවතින සබඳතාවය පැට්රියන් ආයතනයේ මූලික පදනම බවත් ඔහු අවධාරණය කළා.
මෙම වෙනස්කම්වලට අමතරව, ආයතනයේ ව්යුහය වඩාත් කාර්යක්ෂම කිරීමටත්, ප්රධාන ඉලක්ක වෙත අවධානය යොමු කිරීමටත් ඔවුන් කටයුතු කරනවා. සේවයෙන් ඉවත් වන අයට මාස 16ක වැටුපට සමාන වන්දි මුදලක් සහ වසරක් පාසා අමතර වැටුපක්, වසර අවසානය දක්වා සෞඛ්ය රක්ෂණාවරණයක් සහ ලැප්ටොප් පරිගණකය වෙනුවෙන් ඩොලර් 1,500ක දීමනාවක් ලබා දීමටත් සමාගම කටයුතු කර තිබෙනවා. මීට අමතරව, නිර්මාණකරුවන්ගේ කෘති අවසරයකින් තොරව AI පුහුණු කිරීම් සඳහා යොදා ගැනීම වැළැක්වීමට ඔවුන් ක්ලවුඩ්ෆ්ලෙයාර් (Cloudflare) සමඟ එක්ව නව ආරක්ෂක පියවරක් ද හඳුන්වා දී තිබෙනවා. 2022 වසරේදීත් පැට්රියන් ආයතනය සිය සේවකයන්ගෙන් 17%ක් ඉවත් කළ අතර, මෙය එම ආයතනයේ මෑත කාලීන විශාලතම සේවක කප්පාදුව ලෙස සැලකෙනවා.

Discussion & Feedback