ප්රංශයේ පැරිස් නුවර විදුලි ස්කූටර් (e-scooters) භාවිත කරන අයට දැන් අලුත් නීති මාලාවකට මුහුණ දෙන්න සිද්ධ වෙලා තියෙනවා. නගරයේ සිදුවෙන රිය අනතුරු ප්රමාණය දිනෙන් දින ඉහළ යාම නිසා, පෞද්ගලිකව හිමි විදුලි ස්කූටර් පදින අය අනිවාර්යයෙන්ම හිස්වැසුම් සහ දිලිසෙන ආරක්ෂිත ඇඳුම් (high-vis vests) පැළඳිය යුතු බව බලධාරීන් පවසනවා. මේ නීතිය කඩ කරන අයට යුරෝ 135ක් වැනි විශාල දඩ මුදලක් ගෙවන්න සිද්ධ වෙනවා. පසුගිය වසරේදී පමණක් පැරිස් නුවර විදුලි ස්කූටර් අනතුරුවලින් පුද්ගලයන් 79 දෙනෙක් ජීවිතක්ෂයට පත්වෙලා තියෙනවා. මේක කලින් වසරට වඩා විශාල වැඩිවීමක් නිසා තමයි මෙවැනි දැඩි පියවරක් ගන්න සිද්ධ වුණේ.
ඇත්තටම පැරිස් නුවර දැනටමත් කුලී පදනම මත ලබාගන්නා විදුලි ස්කූටර් තහනම් කරලා තියෙන්නේ. ඒත් පෞද්ගලිකව තමන් සතු ස්කූටර් භාවිතය තවමත් නගරයේ ජනප්රියයි. මේ විදුලි ස්කූටර්වලට අමතරව හොවර්බෝඩ් සහ විදුලි යුනිසයිකල් පදින අයටත් මේ නීති බලපානවා. දැනටමත් වයස අවුරුදු 14ට අඩු අයට ස්කූටර් පැදීම තහනම් වගේම, පැයට කිලෝමීටර් 25ක උපරිම වේග සීමාවකුත් පනවා තියෙනවා. යුරෝපයේ වැඩිම පෞද්ගලික විදුලි ස්කූටර් ප්රමාණයක් තියෙන්නේ ප්රංශයේ නිසා, මේ නීති හරහා අනතුරු අවම කරගැනීම තමයි බලධාරීන්ගේ එකම බලාපොරොත්තුව වෙලා තියෙන්නේ.

Discussion & Feedback