එදා මෙදාතුර හොලිවුඩයේ ජනප්‍රියම රංගන ශිල්පිනියක් වුණු පමෙලා ඇන්ඩර්සන් මේ දිනවල ඇගේ රංගන දිවියේ අලුත්ම පිටුවක් පෙරළමින් ඉන්නවා. ‘ද ලාස්ට් ෂෝ ගර්ල්’ චිත්‍රපටයෙන් පස්සේ ඇය වඩාත් අභියෝගාත්මක සහ වෙනස්ම ආකාරයේ චරිත තෝරා ගැනීමට පෙළඹී සිටින බවයි ඇය පවසන්නේ. මේ දිනවල තිරගත වන ‘රෝස්බුෂ් ප්‍රූනින්’ (Rosebush Pruning) නම් අඳුරු හාස්‍යජනක චිත්‍රපටය හරහා ඇය නැවතත් ප්‍රේක්ෂකයන් අතරට එන්නේ ඉතාම වෙනස්ම රංගනයක් එක් කරමින්. ස්පාඤ්ඤයේ හුදෙකලාව ජීවත් වන ධනවත් පවුලක අභ්‍යන්තර ගැටුම් සහ රහස් වටා ගෙතුණු මේ කතාව ඇත්තටම ප්‍රේක්ෂකයන්ව කුතුහලයට පත් කරන නිර්මාණයක්.
පමෙලා ඇන්ඩර්සන් කියන විදිහට ඇය අතීතයේ ‘බේ වොච්’ වගේ ජනප්‍රිය වැඩසටහන්වලින් ලොකු අවධානයක් දිනා ගත්තත්, අද ඇය කැමති වඩාත් ගැඹුරු සහ අර්ථවත් චරිත නිරූපණය කරන්නයි. තමන්ගේ පෞද්ගලික ජීවිතය ගැන මාධ්‍යවලින් එල්ල වුණු විවිධ කතාබහ මැද වුණත්, අද ඇය ඉතාම සතුටින් සහ ආත්ම විශ්වාසයකින් යුතුව තමන්ගේ වෘත්තීය ජීවිතය ඉදිරියට ගෙන යනවා. විශේෂයෙන්ම ඇගේ පුතා නිර්මාණය කළ වාර්තා චිත්‍රපටය සහ බ්‍රෝඩ්වේ වේදිකාවේ ලැබුණු අත්දැකීම් ඇයව නැවතත් සිනමා ලෝකයට හඳුන්වා දුන්නා. ඉදිරියේදී තවත් අලුත් චිත්‍රපට කිහිපයකින්ම ඇයව දැකගන්න පුළුවන් වේවි.
ඇය පවසන්නේ තමන් මේ ලැබුණු දෙවන අවස්ථාව ඉතාම වටිනා එකක් ලෙස සලකන බවයි. අතීතයේ තමන් හිරවෙලා හිටපු තැනින් මිදිලා, අද තමන්ට කැමති විදිහට නිර්මාණාත්මක වැඩවල නිරත වෙන්න ලැබීම ගැන ඇය ඉන්නේ ලොකු සතුටකින්. ‘රෝස්බුෂ් ප්‍රූනින්’ චිත්‍රපටයේ ඇය රඟපාන්නේ මියගිය පවුලේ මවගේ චරිතයයි. මේ චිත්‍රපටය හරහා ධනවත්කම සහ මිනිසුන්ගේ හැඟීම්වල ඇති හිස් බව ගැන ලොකු කතාබහක් ඇති කරන බවත් ඇය වැඩිදුරටත් සඳහන් කරනවා.
Discussion & Feedback