දක්ෂිණ අධිවේගී මාර්ගයේ ගැලණිගම සහ දොඩංගොඩ හුවමාරු මධ්යස්ථාන අතර ප්රදේශයේදී අද දින බිහිසුණු රිය අනතුරක් සිදුවෙලා තියෙනවා. මාතර සිට කොළඹ බලා ධාවනය වෙමින් තිබූ බස් රථයක් සහ පාසල් දරුවන් රැගත් බස් රථයක් ඇතුළු වාහන කිහිපයක් එකිනෙක ගැටීමෙන් මෙම අනතුර සිදුව ඇති බවයි වාර්තා වෙන්නේ. මේ අනතුර නිසා පුද්ගලයින් දස දෙනෙකුට වැඩි පිරිසක් තුවාල ලබා රෝහල්ගත කර තිබෙනවා.
ලැබෙන ආරංචි මාර්ග වලට අනුව, පාසල් දරුවන් රැගත් බස් රථයක් ඉදිරියෙන් ගිය කැබ් රථයක ගැටීමත් සමඟම පිටුපසින් පැමිණි තවත් බස් රථ දෙකක් සහ මෝටර් රථ හයක් ඇතුළු වාහන කිහිපයක් එකිනෙක ගැටී තිබෙනවා. මේ හේතුවෙන් අධිවේගී මාර්ගයේ ගමනාගමනයට දැඩි බාධා එල්ල වුණා. අනතුරින් පසු කොළඹ දෙසට ගමන් කරන රථවාහන දොඩංගොඩ පිටවීමේ දොරටුවෙන් පිටතට හරවා යැවීමට පොලිසිය පියවර ගෙන තිබෙනවා.
මේ වන විට අනතුරට ලක්වූවන් රෝහල්ගත කර ප්රතිකාර ලබන අතර, සිද්ධිය සම්බන්ධයෙන් පොලිසිය වැඩිදුර පරීක්ෂණ පවත්වනවා. අධිවේගී මාර්ගයේ ගමන් කරන රියදුරන් මේ දිනවලදී ඉතාමත් කල්පනාකාරීව සහ වේගය පාලනය කරමින් රිය ධාවනය කරන ලෙස බලධාරීන් නිතරම සිහිපත් කරනවා. අනතුර සිදු වූ ස්ථානයේ වාහන තදබදයක් ඇති විය හැකි නිසා රියදුරන් ඒ පිළිබඳව අවධානයෙන් පසුවීම වැදගත්.

Discussion & Feedback