උගන්ඩාවේ සුප්රසිද්ධ පාපන්දු ක්රීඩකයෙක් සහ එරට ප්රමුඛතම පාපන්දු සමාජයක් වන ‘එස්.සී. විලා’ කණ්ඩායමේ නායක ඩේවිඩ් ඔවෝරි පසුගියදා අමානුෂික ලෙස ඝාතනයට ලක්වෙලා. තමන්ගේ නිවස අසලදී මොහුව මග රැක සිටි මැර කල්ලියක් විසින් ජංගම දුරකථනය සහ අනෙකුත් දේපළ කොල්ලකෑමට උත්සාහ කිරීමේදී මෙම ප්රහාරය එල්ල කර තිබෙනවා. ගල්වලින් පහර දී බරපතළ තුවාල සිදු කර තිබූ ඔහුව වහාම රෝහල් ගත කළත්, ප්රතිකාර ලබමින් සිටියදී ඔහු ජීවිතක්ෂයට පත්වුණා. මෙම සිදුවීම මුළු උගන්ඩාවම කම්පනයට පත් කිරීමට සමත් වුණා.
ඔවෝරි කියන්නේ උගන්ඩා ජාතික කණ්ඩායම නියෝජනය කළ දක්ෂ ක්රීඩකයෙක් වගේම, තරුණ පරපුරට විශාල ආදර්ශයක් වුණු නායකයෙක්. ඔහු මියයාමත් එක්ක එරට පාපන්දු ලෝලීන් සහ දේශපාලනඥයන් පවා මේ අපරාධකරුවන්ට එරෙහිව දැඩි නීති ක්රියාත්මක කරන ලෙස බලධාරීන්ගෙන් ඉල්ලා සිටිනවා. මේ වන විටත් පොලිසිය විසින් සැකකරුවන් අත්අඩංගුවට ගැනීමට පරීක්ෂණ ආරම්භ කර තිබෙනවා. පසුගිය කාලයේ උගන්ඩාවේ මෙවැනි ප්රචණ්ඩකාරී ක්රියා ඉහළ යාම නිසා සාමාන්ය ජනතාව දැඩි බියකින් සහ කෝපයකින් පසුවන බවයි වාර්තා වෙන්නේ. ක්රීඩා පිටියේදී මෙන්ම පිටතදීත් විශිෂ්ට නායකත්වයක් දුන් ඔවෝරිගේ වියෝව උගන්ඩා ක්රීඩා ක්ෂේත්රයට පිරිමසා ගත නොහැකි පාඩුවක්.

Discussion & Feedback