මේ දවස්වල ස්මාර්ට් මුදු (Smart Rings) ලෝකයේ ලොකු පෙරළියක් සිද්ධ වෙනවා. මේ ක්ෂේත්රයේ ප්රබලයා විදිහට සැලකෙන ‘Oura’ සමාගම තමන්ගේ කොටස් වෙළඳපොළට නිකුත් කරන්න සූදානම් වෙනවා. පසුගිය කාලේ ඔවුන්ගේ ආදායම බිලියන 1.21ක් දක්වා දෙගුණ වෙලා තියෙනවා වගේම, මිලියන 5කට අධික පාරිභෝගිකයන් පිරිසක් ඔවුන්ගේ සේවාවන් භාවිතා කරනවා. නමුත් Oura සමාගමට දැන් ලොකු තරඟයක් දෙන්න අලුත් සමාගම් ගණනාවක්ම කරළියට ඇවිත් ඉන්නවා.
විශේෂයෙන්ම ඉන්දියාවේ ‘Ultrahuman’, ප්රංශයේ ‘Circular’ සහ චීනයේ ‘RingConn’ වගේ සමාගම් අලුත්ම තාක්ෂණයන් එක්ක මේ තරඟයට එකතු වෙලා තියෙනවා. දැන් ස්මාර්ට් මුදු කියන්නේ නිකම්ම නිකම් සෞඛ්ය තත්ත්වයන් මනින උපකරණ විතරක්ම නෙවෙයි. ඉදිරියේදී මේ මුදු හරහා මුදල් ගෙවීම් කරන්න (Contactless payments), ඇමතුම් ගන්න වගේම තවත් ස්මාර්ට්ෆෝන් එකක තියෙන බොහෝ දේවල් කරන්න පුළුවන් වෙන විදිහට තමයි මේ සමාගම් වැඩ කරන්නේ. සමහර මුදු වල දැන් කම්පන තාක්ෂණය (Haptic vibrations) පවා ඇතුළත් කරලා තියෙනවා.
මුලින්ම ස්මාර්ට් මුදු වල තිබුණ සරල බව දැන් ටික ටික නැති වෙලා, ඒවා කුඩා ස්මාර්ට්ෆෝන් එකක් වගේ වෙනවා කියලා තමයි තාක්ෂණික විචාරකයෝ කියන්නේ. කොහොම වුණත්, මේ තරඟය නිසා පාරිභෝගිකයන්ට වඩාත් දියුණු සහ පහසුකම් රැසක් තියෙන ස්මාර්ට් මුදු තෝරාගන්න අවස්ථාව ලැබෙනවා. Oura සමාගම මේ අභියෝග ජය ගන්නේ කොහොමද කියන එක තමයි දැන් හැමෝම බලාගෙන ඉන්නේ.

Discussion & Feedback