කෘත්රිම බුද්ධිය හෙවත් AI තාක්ෂණය සම්බන්ධයෙන් ලෝකයේ පවතින බිය සාධාරණ බව OpenAI සමාගමේ ප්රධාන විධායක නිලධාරී සෑම් ඕල්ට්මන් ප්රකාශ කර තිබෙනවා. සැන් ෆ්රැන්සිස්කෝ නුවර පැවති සමුළුවකදී අදහස් දක්වමින් ඔහු කියා සිටියේ, මෙම තාක්ෂණය ඉතා වේගයෙන් දියුණු වන නිසා එය වැරදි අතට හැරිය හැකි ආකාරය ගැන ඕනෑම කෙනෙකුට සිතාගත හැකි බවයි. කෙසේ වෙතත්, තාක්ෂණික සමාගම් මෙම වගකීම නිසි ලෙස ඉටු කරනු ඇතැයි විශ්වාසය තබන ලෙස ඔහු ජනතාවගෙන් ඉල්ලා සිටිනවා. මේ වන විට AI තාක්ෂණය පාලනය කිරීම සම්බන්ධයෙන් ලෝකය පුරා විවිධ මත ගැටුම් නිර්මාණය වෙමින් පවතින අතර, ඇතැම් දේශපාලනඥයන් පවසන්නේ තාක්ෂණික සමාගම්වලට පමණක් මෙය පාලනය කිරීමට ඉඩ දිය නොහැකි බවයි.
ඇමරිකානු හිටපු ජනාධිපති ඩොනල්ඩ් ට්රම්ප් ඇතුළු පිරිසක් මෙම තාක්ෂණයට දැඩි නීති රීති පැනවීමට විරුද්ධ වන අතර, ට්රම්ප් පවසන්නේ ඒ සඳහා අවශ්ය වන්නේ ශක්තිමත් ජනාධිපතිවරයෙකු පමණක් බවයි. අනෙක් පසින්, බර්නි සැන්ඩර්ස් වැනි දේශපාලනඥයන් චෝදනා කරන්නේ ලෝකයේ ධනවත්ම පුද්ගලයන් කිහිප දෙනෙකු අතට මෙම බලය පත්වීම භයානක බවයි. Nvidia සමාගමේ ප්රධානියා ද පවසන්නේ නව නීති රීතිවලට වඩා මෙය ඉංජිනේරුමය ගැටලුවක් ලෙස විසඳා ගත යුතු බවයි. කෙසේ වෙතත්, තාක්ෂණය දිනෙන් දින දියුණු වන වේගයට සාපේක්ෂව නීති සම්පාදනය කිරීමට බලධාරීන්ට නොහැකි වී තිබීම විශාල අභියෝගයක් බවට පත්වෙලා. ඉදිරියේදී මෙම තාක්ෂණය මිනිසාගේ යහපතට පමණක් යොදා ගැනීමට සමාගම්වලට හැකි වේවිද යන්න තවමත් ගැටලුවක්.

Discussion & Feedback