අද වගේ දවසක, ඒ කියන්නේ 1977 අගෝස්තු 8 වැනිදා, සෝවියට් දේශයට අයත් ‘සලියුට් 5’ (Salyut 5) නම් අභ්‍යවකාශ මධ්‍යස්ථානය පෘථිවි වායුගෝලයට ඇතුළු වෙලා දැවී ගියා. මේක ඇත්තටම සෝවියට් දේශයේ ඉතාම රහසිගත ‘අල්මාස්’ (Almaz) යුධ අභ්‍යවකාශ වැඩසටහනේ කොටසක්. 1976 දී අභ්‍යවකාශගත කරපු මේ මධ්‍යස්ථානය ප්‍රධාන වශයෙන්ම පාවිච්චි කළේ ඔත්තු බැලීමේ කටයුතු සහ විද්‍යාත්මක පර්යේෂණ සඳහායි. ඇත්තටම මේක තමයි ඒ වගේ කාර්යයන් සඳහා නිර්මාණය කරපු අවසාන අභ්‍යවකාශ මධ්‍යස්ථානය වුණේ.
මේ මධ්‍යස්ථානයට ගගනගාමීන් කණ්ඩායම් හතරක් යවන්න සැලසුම් කරලා තිබුණත්, අන්තිමට යන්න පුළුවන් වුණේ කණ්ඩායම් තුනකට විතරයි. මුල්ම ගමනේදී මධ්‍යස්ථානය ඇතුළේ තිබුණු අමුතු ගඳක් නිසා ගගනගාමීන්ට ඉක්මනින්ම ආපහු එන්න සිද්ධ වුණා. දෙවැනි ගමනේදී යානය මධ්‍යස්ථානයට සම්බන්ධ කරගන්න බැරි වුණා. තුන්වැනි කණ්ඩායම දවස් 18ක් එහි ගත කළත්, ඉන්ධන අවසන් වීම සහ මධ්‍යස්ථානය නැවත පිරවීමේ හැකියාවක් නොතිබීම නිසා හතරවැනි මෙහෙයුම අවලංගු කරන්න සිද්ධ වුණා. අවසානයේදී, පාලනයකින් තොරව පෘථිවි වායුගෝලයට ඇතුළු වුණු සලියුට් 5 ගිනිගෙන විනාශ වී ගියා. අභ්‍යවකාශ ඉතිහාසයේ මෙවැනි සිදුවීම් අපිට අදටත් ලොකු පාඩම් සහ අත්දැකීම් එකතු කරනවා.
Discussion & Feedback