දැනට ලෝකයේ පවතින කෘත්රිම බුද්ධි (AI) රැල්ලත් එක්ක එන්විඩියා (Nvidia) සමාගම අලුත් ඉතිහාසයක් ලියන්න සූදානම් වෙනවා. ඒ අනුව, කෘත්රිම බුද්ධි යටිතල පහසුකම් දියුණු කිරීම සඳහා ප්රධාන පෙළේ බැංකු සහ ආයෝජන සමාගම් එක්ක එකතු වෙලා ඩොලර් බිලියන 500ක දැවැන්ත මුදලක් හොයාගන්න ඔවුන් කටයුතු කරලා තියෙනවා. බ්ලැක්රොක්, ගෝල්ඩ්මන් සැක්ස් සහ කේ.කේ.ආර් වගේ ලෝකයේ ප්රසිද්ධ ආයෝජන ආයතන මේ සඳහා එකතු වෙලා ඉන්නවා. එන්විඩියා ප්රධාන විධායක නිලධාරී ජෙන්සන් හුවාන්ග් කියන විදිහට, අද වෙනකොට කෘත්රිම බුද්ධිය සඳහා අවශ්ය වන ‘compute’ හෙවත් පරිගණක බලය කියන්නේ ආදායම් උත්පාදනය කරන ඉතාම වැදගත් වත්කමක් බවට පත්වෙලා තියෙනවා.
මේ ලැබෙන මුදල් යොදවන්නේ අලුතින් දත්ත මධ්යස්ථාන (Data Centers) හදන්න සහ කෘත්රිම බුද්ධි චිප්ස් නිෂ්පාදනය කරන කර්මාන්තශාලා වැඩි දියුණු කරන්නයි. ගූගල්, මෙටා, මයික්රොසොෆ්ට් වගේ ලෝකයේ ලොකුම තාක්ෂණික සමාගම් පවා තමන්ගේ වැඩකටයුතු කරගන්න පාවිච්චි කරන්නේ එන්විඩියා සමාගමේ චිප්ස්. ඒ නිසා මේ ආයෝජනය හරහා කෘත්රිම බුද්ධි ක්ෂේත්රයේ තවත් විශාල පිම්මක් පනින්න පුළුවන් වෙයි කියලා තමයි විශේෂඥයෝ කියන්නේ. කෙටියෙන්ම කිව්වොත්, එන්විඩියා සමාගම දැන් හුදෙක් චිප්ස් හදන තැනකින් එහාට ගිහින්, ලෝකයේ අනාගතය තීරණය කරන ‘AI කර්මාන්තශාලා’ නිර්මාණය කරන ප්රධාන බලවේගය බවට පත්වෙලා ඉවරයි.

Discussion & Feedback