දැන් කාලේ අලුත් තාක්ෂණයත් එක්ක එන දේවල් නිසා මිනිස්සුන්ගේ පෞද්ගලිකත්වයට ලොකු තර්ජනයක් වෙලා තියෙනවා. විශේෂයෙන්ම මෙටා සහ ස්නැප් වගේ සමාගම් හදන කැමරා සවිකළ ස්මාර්ට් කණ්ණාඩි ගැන මේ දවස්වල ලොකු කතාබහක් ඇතිවෙලා තියෙනවා. ගොඩක් අය මේවා හඳුන්වන්නේ ‘පර්වට් ග්ලාසස්’ (pervert glasses) කියන නමින්. මේ කණ්ණාඩිවල තියෙන කැමරා සහ මයික්රොෆෝන හරහා අනිත් අයව හොරෙන් රූගත කරන්න පුළුවන් නිසා නෝර්වේ රජය මේ ගැන දැඩි අවධානයක් යොමු කරලා තියෙනවා.
නෝර්වේහි ඩිජිටල් අමාත්ය කැරියන් ටුන්ග් කියන විදිහට, කෘත්රිම බුද්ධියත් එක්ක එකතු වෙලා එන මේ වගේ උපකරණ නිසා ප්රසිද්ධ ස්ථානවල ඉන්න සාමාන්ය මිනිස්සුන්ගේ පෞද්ගලිකත්වය ආරක්ෂා කරගන්න එක ලොකු අභියෝගයක් වෙලා තියෙනවා. ඒ නිසාම, ප්රසිද්ධ ස්ථානවලදී මිනිස්සුන්ව හඳුනාගන්නා මුහුණු හඳුනාගැනීමේ තාක්ෂණය (facial recognition) පවා තහනම් කරන්න රජය හිතාගෙන ඉන්නවා. මේ සම්බන්ධයෙන් තීරණයක් ගන්න විශේෂඥ කමිටුවක් පත් කරන්නත් එතුමිය සැලසුම් කරලා තියෙනවා.
ඇත්තටම මේ වගේ තාක්ෂණික උපකරණ අපේ එදිනෙදා ජීවිතයට පහසුවක් වුණාට, අනිත් අයගේ පෞද්ගලිකත්වයට හානි වෙන විදිහට මේවා පාවිච්චි කරන එක නම් කොහෙත්ම අනුමත කරන්න බැහැ. නෝර්වේ රජය ගන්න මේ පියවර නිසා අනාගතයේදී මේ වගේ තාක්ෂණික උපකරණ භාවිතය ගැන ලෝකය පුරාම දැඩි නීති රීති පැනවෙන්න ඉඩ තියෙනවා.

Discussion & Feedback