අනාගතයේදී රජයේ කාර්යාලවලට නොගොස්ම රජයේ සේවා සියයට 80ක් ජංගම දුරකථනය හරහා නිවසේ සිටම ලබාගැනීමට හැකි වන පරිදි රට ඩිජිටල්කරණය කිරීමට ජනාධිපති අනුර කුමාර දිසානායක මහතා පියවර ගෙන තිබෙනවා. බුලත්සිංහල පැවති ජන හමුවකදී මේ බව ප්රකාශ කළ ජනාධිපතිවරයා, ඒ සඳහා ලබන වසරේ අයවැයෙන් රුපියල් බිලියන 30ක මුදලක් වෙන් කරන බවත් සඳහන් කළා. මේ හරහා උපත් සහ මරණ සහතික ලබා ගැනීම, ඉඩම් ඔප්පු සම්බන්ධ කටයුතු සහ වාහන ආදායම් බලපත්ර ලබා ගැනීම වැනි සේවාවන් ඉතා පහසුවෙන් කරගන්න පුළුවන් වෙනවා.
මෙම ඩිජිටල්කරණ වැඩසටහන සාර්ථක කර ගැනීම සඳහා රට පුරා 4G ආවරණය පුළුල් කිරීමටත් රජය සැලසුම් කර තිබෙනවා. ඒ අනුව ඉදිරි වසර තුන ඇතුළත අලුතින් 4G කුළුණු 1,000ක් ඉදිකිරීමට නියමිත අතර, එහි පළමු අදියර ලෙස ලබන වසරේදී කුළුණු 250ක් ඉදිකිරීමට කටයුතු කරනවා. මේ සියලු කටයුතු සිදු කරන්නේ රටේ යටිතල පහසුකම් සංවර්ධනය කිරීමේ පුළුල් වැඩපිළිවෙළක කොටසක් විදියටයි. අධිවේගී මාර්ග ඉදිකිරීම සහ දුම්රිය සේවා විදුලිබල පද්ධතියක් බවට පත් කිරීම වැනි තවත් දැවැන්ත සංවර්ධන ව්යාපෘති රැසක් ද රජය විසින් සැලසුම් කර තිබෙනවා.

Discussion & Feedback