ටෙස්ලා සමාගම විසින් හඳුන්වා දුන් නවතම ‘සයිබර්කැබ්’ (Cybercab) ස්වයංක්රීය රථය පිළිබඳ තොරතුරු මේ වන විට ලොව පුරා කතාබහට ලක්වෙලා තියෙනවා. එලොන් මස්ක්ගේ සිහිනයක් වුණු මේ රථය සම්පූර්ණයෙන්ම කැමරා සහ කෘත්රිම බුද්ධිය (AI) ආධාරයෙන් ධාවනය වන එකක්. නමුත් මේ රථය සම්බන්ධයෙන් නිකුත් වුණු නවතම නීතිරීති ටිකක් පුදුම හිතෙන සුළුයි. විශේෂයෙන්ම, වයස අවුරුදු 13ට අඩු දරුවන්ට මේ සයිබර්කැබ් රථයේ තනිව ගමන් කිරීමට අවසර ලැබෙන්නේ නැහැ. ඒ වගේම, සාමාන්ය මෝටර් රථවල දකින්න ලැබෙන ළමා ආසන සවිකරන LATCH ඇන්කර් පද්ධතියත් මේ රථයේ නැහැ. වියදම අඩු කරගැනීමේ අරමුණින් ටෙස්ලා සමාගම මෙවැනි අත්යවශ්ය දේවල් පවා ඉවත් කර තිබීම බොහෝ දෙනාගේ විවේචනයට ලක්වෙලා තියෙනවා.
අනතුරක් සිදුවූ අවස්ථාවකදී සයිබර්කැබ් රථය ක්රියාත්මක වන ආකාරය ගැනත් සමාගම පැහැදිලි කරලා තියෙනවා. අනතුරකදී වාහනයේ දොරවල් ස්වයංක්රීයව විවෘත වීම, එයාර් බෑග් ක්රියාත්මක වීම සහ ටෙස්ලා සහායක කණ්ඩායම සමඟ සම්බන්ධ වීම වැනි ආරක්ෂිත පියවර රැසක් එහි අන්තර්ගතයි. කෙසේ වෙතත්, ටෙස්ලා රථවල ඉලෙක්ට්රොනික දොර අගුළු පද්ධති සම්බන්ධයෙන් මීට පෙරත් විවිධ ගැටලු මතුවී තිබූ නිසා, මේ නව තාක්ෂණය කොතරම් දුරට ආරක්ෂිතද යන්න පිළිබඳව ඇමරිකානු රජය දැනටමත් පරීක්ෂණ ආරම්භ කරලා තියෙනවා. වියදම අඩු කරගැනීමට ටෙස්ලා සමාගම දරන උත්සාහයත් සමඟ, මගීන්ගේ ආරක්ෂාව තහවුරු කිරීම ඔවුන්ට ඉදිරියේදී ඇති ලොකුම අභියෝගය බවට පත්වෙලා තියෙනවා.

Discussion & Feedback