දකුණු අප්රිකානු ජනාධිපති සිරිල් රමපෝසා මහතා පසුගිය දිනක ඉන්දියාවේ සංචාරයක නිරත වුණේ BRICS සමුළුවට සහභාගි වෙන්නයි. එහිදී ඔහු ඉතාමත් වැදගත් අත්හදා බැලීමක් සිදු කරලා තියෙනවා. ඒ තමයි, අන්තර්ජාතික ගනුදෙනු සඳහා ඇමරිකානු ඩොලර් භාවිත නොකර, දෙරටේම දේශීය මුදල් ඒකක භාවිත කරමින් ගනුදෙනු කිරීමේ හැකියාව පරීක්ෂා කර බැලීම. ඔහු ඉන්දියාවේදී පොත් කිහිපයක් මිලදී ගත්තේ තමන්ගේ කාඩ්පත භාවිත කරමින් ඉන්දීය රුපියල්වලින්. එම මුදල ඉතා පහසුවෙන් දකුණු අප්රිකානු රැන්ඩ් මුදල් ඒකකයට පරිවර්තනය වෙලා ගනුදෙනුව සාර්ථකව අවසන් වුණා.
මේ ගැන ඉන්දීය අග්රාමාත්ය නරේන්ද්ර මෝදි මහතා සමඟත් රමපෝසා මහතා සාකච්ඡා කරලා තියෙනවා. ඔහු පවසන්නේ මේ ක්රමය ඉතාමත් පහසු සහ සාර්ථක එකක් බවයි. ඇත්තටම BRICS රටවල් මේ වන විට උත්සාහ කරන්නේ අන්තර්ජාතික වෙළෙඳාමේදී තුන්වන පාර්ශ්වයක මුදල් ඒකක මත යැපීම අඩු කරලා, තමන්ගේම දේශීය මුදල් ඒකක භාවිත කරමින් ගනුදෙනු ශක්තිමත් කරන්නයි. මේ පියවර මගින් ඉදිරියේදී රටවල් අතර ආර්ථික සහයෝගීතාවය තවත් ඉහළ යනු ඇති බවටයි විචාරකයින් පවසන්නේ.
දකුණු අප්රිකාව සහ ඉන්දියාව කියන්නේ BRICS සංවිධානයේ ආරම්භක සාමාජික රටවල් දෙකක්. මේ වන විට එම සංවිධානයට තවත් රටවල් රැසක් එකතු වෙලා තියෙනවා. ඒ නිසාම මේ වගේ නවීන ගෙවීම් ක්රමවේදයන් හඳුන්වා දීමෙන් ලෝක ආර්ථික පද්ධතියේ විශාල වෙනසක් ඇති කරන්න පුළුවන් වෙයි කියලා තමයි බලාපොරොත්තු වෙන්නේ.

Discussion & Feedback