2027 වසරේ පැවැත්වෙන එක්දින ලෝක කුසලාන ක්රිකට් තරගාවලිය වෙනුවෙන් ජාත්යන්තර ක්රිකට් කවුන්සිලය විසින් නවතම තරග ආකෘතියක් හඳුන්වා දී තිබෙනවා. මෙවර තරගාවලිය දකුණු අප්රිකාව, සිම්බාබ්වේ සහ නැමීබියාව යන රටවල සම සත්කාරකත්වයෙන් පැවැත්වෙන අතර, කණ්ඩායම් 10ක් වෙනුවට කණ්ඩායම් 14ක් තරග වැදීම මෙහි විශේෂත්වයක්. මෙම නව ආකෘතිය අදියර තුනකින් සමන්විත වන අතර, එය තරගාවලියේ උද්යෝගය සහ තරගකාරීත්වය ඉහළ නැංවීමට උපකාරී වනු ඇති බවයි වාර්තා වෙන්නේ.
මෙම නව ක්රමවේදය අනුව පළමු අදියරේදී සුදුසුකම් ලැබූ පහළම කණ්ඩායම් තුන අතර තරග වටයක් පැවැත්වෙන අතර, ඉන් ජයග්රහණය කරන කණ්ඩායම ප්රධාන වටයට පිවිසෙනවා. ඉන්පසු කණ්ඩායම් 12ක් කාණ්ඩ දෙකකට බෙදී තරග වදින අතර, ඉන් හොඳම කණ්ඩායම් හතක් ‘සුපර් 7’ වටයට සුදුසුකම් ලබනවා. අවසානයේදී එම කණ්ඩායම් හත අතර පැවැත්වෙන තරග වටයෙන් පසුව, ලකුණු සටහනේ ඉදිරියෙන්ම සිටින කණ්ඩායම් හතර අවසන් පූර්ව වටයට පිවිසෙනු ඇති. 2019 සහ 2023 ලෝක කුසලානවල පැවති ක්රමයට වඩා මෙය වඩාත් තරගකාරී මෙන්ම ලොව පුරා රටවලට වැඩි අවස්ථාවක් ලබා දෙන ආකෘතියක් ලෙසයි ක්රිකට් විචාරකයින් පෙන්වා දෙන්නේ. මේ නිසාම 2027 ලෝක කුසලානය ක්රිකට් ලෝලීන් අතර විශාල කතාබහකට ලක්ව තිබෙනවා.

Discussion & Feedback