ලොව පුරා සිටින ගේම් ලෝලීන්ගේ දැඩි ආකර්ෂණය දිනාගත් ‘ද ලාස්ට් ඔෆ් අස්’ (The Last of Us) ක්රීඩා මාලාවේ රසිකයන්ට සතුටුදායක ආරංචියක් ලැබිලා තියෙනවා. නෝටි ඩෝග් (Naughty Dog) ආයතනය විසින් මේ ජනප්රිය ක්රීඩා මාලාවේ අනාගතය පිළිබඳව නිල වශයෙන් තහවුරු කර තිබෙනවා. ඔවුන්ගේ නිර්මාණ අධ්යක්ෂ නීල් ඩ්රක්මන් පවසන විදිහට, මේ වන විටත් ‘ද ලාස්ට් ඔෆ් අස්’ ලෝකය තවදුරටත් පුළුල් කරන නව ව්යාපෘති කිහිපයක්ම ඔවුන්ගේ සැලසුම් අතර තියෙනවා. මේ කතාන්දර තවමත් කීමට වටිනා ඒවා බවත්, අර්ථවත් දෙයක් නොමැතිව තමන් නැවත මේ ලෝකයට නොඑන බවත් ඔහු වැඩිදුරටත් සඳහන් කළා.
කෙසේ වෙතත්, මේ ව්යාපෘති තවමත් පවතින්නේ ඉතාම මූලික අවධියක බවයි වාර්තා වෙන්නේ. දැනට නෝටි ඩෝග් ආයතනය ‘Intergalactic: The Heretic Prophet’ නම් නව ක්රීඩාව කෙරෙහි වැඩි අවධානයක් යොමු කර තිබෙන නිසා, ‘ද ලාස්ට් ඔෆ් අස්’ නවතම ක්රීඩාවක් අපේ අතට පත්වීමට තව බොහෝ කාලයක් ගතවනු ඇති බවටයි විශ්වාස කෙරෙන්නේ. සමහර විට මේ දශකය අවසන් වන තුරුම අපිට බලා සිටීමට සිදුවිය හැකියි. කෙසේ වෙතත්, මේ විශිෂ්ට කතා මාලාව මෙතැනින් අවසන් නොවන බව දැනගැනීමම රසිකයන්ට ලොකු සහනයක්. ඉදිරියේදී මේ ගැන තවත් තොරතුරු ලැබෙන තුරු අපිට ඉවසිල්ලෙන් බලා සිටින්නට සිදුවෙනවා.

Discussion & Feedback