මේ දවස්වල නෙට්ෆ්ලික්ස් වේදිකාවේ අලුතින්ම විකාශය වුණ ‘ලිට්ල් හවුස් ඔන් ද ප්‍රේරි’ (Little House on the Prairie) කතා මාලාව ගැන තමයි හැමෝම කතා වෙන්නේ. ලෝරා ඉන්ගල්ස් වයිල්ඩර්ගේ සුප්‍රසිද්ධ ළමා කතා මාලාව ඇසුරින් නිර්මාණය වුණ මේ අලුත්ම කතා මාලාව, නිකුත් වෙලා දවස් 11ක් වගේ කෙටි කාලයක් ඇතුළත ඇමරිකාවේ විතරක් මිනිත්තු බිලියන 2.1ක් පුරාවට නරඹලා තියෙනවා. නීල්සන් ආයතනය නිකුත් කරපු දත්තවලට අනුව, මේ කතා මාලාව මේ වෙද්දී ප්‍රේක්ෂක ආකර්ෂණය දිනාගෙන අංක එකේ ස්ථානයට පත් වෙන්නත් සමත් වෙලා තියෙනවා.
රෙබෙකා සොනන්ෂයින්ගේ අධ්‍යක්ෂණයෙන් හැඩවුණු මේ කතා මාලාවේ ඇලිස් හල්සි සහ ලූක් බ්‍රේසි වගේ දක්ෂ නළු නිළියන් රැසක් රංගනයෙන් දායක වෙනවා. විස්කොන්සින් අතහැරලා ඇමරිකානු දේශසීමාවේ අලුත් ජීවිතයක් පටන් ගන්න ඉන්ගල්ස් පවුලේ අභියෝග සහ අත්දැකීම් ගැන තමයි මේ කතාවේ දිගහැරෙන්නේ. ලෝකය පුරාම මේ කතා මාලාව පැය මිලියන 162කට වඩා නරඹලා තියෙනවා. මේ ලැබුණු සාර්ථකත්වය නිසාම, දැනටමත් මේ කතා මාලාවේ දෙවැනි කොටස නිෂ්පාදනය කරන්න නෙට්ෆ්ලික්ස් ආයතනය තීරණය කරලා තියෙනවා. ඔයාලත් තාම මේ කතා මාලාව බැලුවේ නැත්නම්, අනිවාර්යයෙන්ම නෙට්ෆ්ලික්ස් හරහා මේ අත්දැකීම විඳගන්න පුළුවන්.
Discussion & Feedback