Netflix ආයතනය විසින් ලොව පුරා අතිශය ජනප්‍රිය වූ ‘The Thursday Murder Club’ කතා මාලාවට පසුව, රිචඩ් ඔස්මන්ගේ තවත් ජනප්‍රිය කෘතියක් වන ‘We Solve Murders’ රූපවාහිනී කතා මාලාවක් ලෙස නිර්මාණය කිරීමට සූදානම් වෙනවා. මේ වන විට ‘cozy crime’ හෙවත් සැහැල්ලු අපරාධ විමර්ශන කතා වලට ලොව පුරා විශාල ඉල්ලුමක් තියෙනවා. ඒ නිසාම Netflix ආයතනය මේ නව කතා මාලාව හරහා ප්‍රේක්ෂකයන්ව තවත් අලුත් ලෝකයකට රැගෙන යන්න බලාපොරොත්තු වෙනවා. මෙම කතාවේ ප්‍රධාන චරිත ලෙස විශ්‍රාමික පොලිස් නිලධාරියෙක් වන ස්ටීව් වීලර් සහ ඔහුගේ ලේලිය වන ඒමි කටයුතු කරනවා. ඔවුන් දෙදෙනා එක්වී ලොව පුරා සංචාරය කරමින් සිදුකරන විමර්ශන මෙහිදී ඉතාමත් කුතුහලයෙන් යුතුව බලාගන්න පුළුවන්.
‘The Thursday Murder Club’ චිත්‍රපටය මෙන් නොව, මෙය ලොව පුරා විවිධ රටවල රූගත කෙරෙන නිසා එය රූපවාහිනී කතා මාලාවක් ලෙස නිර්මාණය කිරීම ඉතාම හොඳ තීරණයක් බවයි විචාරකයන් පවසන්නේ. ස්ටීව්, ඒමි සහ රෝසි යන චරිත එක්වී දකුණු කැරොලිනා, ශාන්ත ලුසියා සහ ඩුබායි වැනි රටවල සංචාරය කරමින් විසඳන අභිරහස් කතා පුවත ප්‍රේක්ෂකයන්ට අලුත්ම අත්දැකීමක් වේවි. කෙසේ වෙතත්, ‘The Thursday Murder Club’ හි මීළඟ කොටස් ගැන තවමත් නිශ්චිත තොරතුරක් නොමැති වීම රසිකයන්ට නම් ටිකක් කනගාටුදායක ආරංචියක්. කොහොම වුණත්, රිචඩ් ඔස්මන්ගේ මේ නවතම නිර්මාණය Netflix හරහා ඉතා ඉක්මනින් අපිට දැකගන්න පුළුවන් වේවි.
Discussion & Feedback