වැනීසිය චිත්‍රපට උළෙලේදී විශේෂ ජූරි සම්මානයෙන් පිදුම් ලැබූ ‘NAZA’ වාර්තා චිත්‍රපටයේ අධ්‍යක්ෂවරුන් වන යුවාල් ඒබ්‍රහම් සහ රේචල් සෝර් යන දෙදෙනාට එරෙහිව දැඩි පියවර ගැනීමට ඊශ්‍රායල අගමැති බෙන්ජමින් නෙතන්යාහු තීරණය කර තිබෙනවා. මෙම චිත්‍රපටය මගින් ඊශ්‍රායල ආරක්ෂක හමුදාවන්ගේ ක්‍රියාකලාපය විවේචනය කිරීම හේතුවෙන් ඔවුන්ගේ පුරවැසිභාවය අහෝසි කිරීමට සහ ඔවුන්ට එරෙහිව නීතිමය පියවර ගැනීමට අගමැතිවරයා කටයුතු කරන බවයි වාර්තා වෙන්නේ. විශේෂයෙන්ම, හමුදාව අපකීර්තියට පත් කරන ඕනෑම අයෙකුගේ පුරවැසිභාවය අහෝසි කිරීමට සහ ඔවුන්ට එරෙහිව පනවන දඩ මුදල් විසි ගුණයකින් ඉහළ දැමීමට අදාළ පනත් දෙකක් පාර්ලිමේන්තුවට ඉදිරිපත් කිරීමට නෙතන්යාහු සූදානම් වෙනවා.
මෙම වාර්තා චිත්‍රපටය මගින් ඊශ්‍රායල හමුදාව විසින් සිවිල් වැසියන් ඉලක්ක කර ගනිමින් සිදුකරන ප්‍රහාරවලදී සිදුවන ජීවිත හානි ‘NAZA’ හෙවත් අනුමත කළ හැකි හානියක් ලෙස හඳුන්වන ආකාරය ගැන විවේචනාත්මකව කරුණු ඉදිරිපත් කර තිබෙනවා. හිටපු අගමැති නෆ්තාලි බෙනට් ඇතුළු රජයේ ඉහළ පෙළේ නිලධාරීන් පවසන්නේ මෙම චිත්‍රපටය හමුදාවට එරෙහිව සිදුකරන අසත්‍ය ප්‍රචාරයක් බවයි. කෙසේ වෙතත්, ප්‍රජාතන්ත්‍රවාදී රටක මෙවැනි ආකාරයෙන් අදහස් ප්‍රකාශ කිරීමේ නිදහස සීමා කිරීම සහ චිත්‍රපට නිර්මාණකරුවන්ට දඬුවම් කිරීමට උත්සාහ කිරීම ජාත්‍යන්තර වශයෙන් දැඩි විවේචනයට ලක්වෙමින් පවතිනවා. මෙම සිදුවීම මේ වන විට ලෝකය පුරා විශාල කතාබහකට ලක්ව ඇති අතර, රජයේ මෙම ක්‍රියාමාර්ගය මගින් ප්‍රජාතන්ත්‍රවාදී අයිතිවාසිකම් උල්ලංඝනය වන බවට බොහෝ දෙනා චෝදනා කරනවා.
Discussion & Feedback