දැනට විදුලි මෝටර් රථවල ජනප්රිය අංගයක් වෙලා තියෙන ‘හිඩන් ඩෝ හෑන්ඩ්ල්’ හෙවත් සැඟවුණු දොර හැන්ඩ්ල් නිසා මේ දවස්වල ලොකු ප්රශ්නයක් ඇතිවෙලා තියෙනවා. චීනයේ නිෂ්පාදිත ටෙස්ලා රථ මිලියන තුනකට ආසන්න ප්රමාණයක් ආපසු කැඳවන්න සිද්ධ වෙලා තියෙන්නේ හදිසි අනතුරකදී මේ දොරවල් විවෘත කරගන්න තියෙන අපහසුතාවය නිසයි. ටෙස්ලා විතරක් නෙවෙයි, චීනයේ ප්රසිද්ධ සමාගම් වන Xiaomi, XPeng සහ Geely වැනි රථ නිෂ්පාදකයනුත් මේ ගැටලුවට මුහුණ දීලා ඉන්නවා. විශේෂයෙන්ම වාහනයක විදුලි පද්ධතිය අක්රිය වුණාම මේ හැන්ඩ්ල් ක්රියාත්මක නොවීම නිසා මගීන්ට වාහනයෙන් එළියට එන්න බැරි වීම ලොකු අවදානමක් විදිහටයි බලධාරීන් දකින්නේ.
මේ ගැටලුව විසඳන්න ටෙස්ලා සමාගම තීරණය කරලා තියෙනවා වාහනවලට අනතුරු ඇඟවීමේ ලේබල් අලවන්න සහ අනතුරක් වුණාම වාහනයේ ජනේල ස්වයංක්රීයව පහත් වෙන විදිහට මෘදුකාංග යාවත්කාලීන කරන්න. ඒ වගේම චීන බලධාරීන් විසින් 2027 වසරේ ඉඳන් අලුත් නීතියක් හඳුන්වා දීලා තියෙනවා. ඒ අනුව වාහනයක ඇතුළතින් සහ පිටතින් යාන්ත්රිකව දොර විවෘත කළ හැකි ක්රමයක් අනිවාර්යයෙන්ම තිබිය යුතුයි. ඇමරිකාවෙත් මේ වගේම දොර හැන්ඩ්ල් සම්බන්ධ ගැටලු වාර්තා වෙලා තියෙන නිසා, ඉදිරියේදී මේ ගැන ලෝකය පුරාම දැඩි ආරක්ෂක නීති පැනවෙන්න ඉඩ තියෙනවා.

Discussion & Feedback