නාසා ආයතනය විසින් සඳ ආශ්‍රිත ගුරුත්වාකර්ෂණ බලපෑම් අධ්‍යයනය කිරීම සඳහා අලුත්ම මෙහෙයුමක් ආරම්භ කරන්න සැලසුම් කරලා තියෙනවා. මේක CAPSTONE 02 ලෙස හඳුන්වන අතර, 2027 වසරේදී අභ්‍යවකාශ යානා දෙකක් සඳ වටා කක්ෂගත කිරීමට ඔවුන් බලාපොරොත්තු වෙනවා. මේ යානා දෙක එකිනෙක ආසන්නයේ ගමන් කරමින්, පෘථිවියේ සහ සඳේ ගුරුත්වාකර්ෂණ බලපෑම් එකවර ක්‍රියාත්මක වන ‘ත්‍රී-බොඩි ඕර්බිට්’ (three-body orbits) හෙවත් සංකීර්ණ කක්ෂීය තත්ත්වයන් ගැන පර්යේෂණ කරනවා. මේක අනාගතයේ සඳ මත මිනිසුන් පදිංචි කිරීමේ ආටෙමිස් (Artemis) ව්‍යාපෘතියට ඉතාමත් වැදගත් වෙනවා.
මෙම යානා දෙක ‘ටෙරාන් ඕර්බිටල්’ සමාගම විසින් නිෂ්පාදනය කරනු ලබන අතර, ඒවා අභ්‍යවකාශයේදී එකිනෙක පසුපස හඹා යන සහ ඉලක්කගත යානා ලෙස මාරුවෙන් මාරුවට ක්‍රියා කරනවා. මේ හරහා අභ්‍යවකාශ යානා අතර සිදු කෙරෙන සන්නිවේදනය සහ ගමන් මාර්ග නිවැරදි කර ගැනීමේ තාක්ෂණය පරීක්ෂා කිරීමට නාසා ආයතනය බලාපොරොත්තු වෙනවා. පෘථිවියේදී මෙවැනි තත්ත්වයන් හරියටම අනුකරණය කරන්න බැරි නිසා, සැබෑ අභ්‍යවකාශ පරිසරයේදීම මේවා අත්හදා බැලීම අනිවාර්ය බවයි ඔවුන් පවසන්නේ. මේ පර්යේෂණය මගින් සඳ මත ගොඩබෑමේ මෙහෙයුම් සඳහා අවශ්‍ය වන මූලික යටිතල පහසුකම් සහ තාක්ෂණික දියුණුව තහවුරු කරගන්න පුළුවන් වෙනවා.
Discussion & Feedback