අභ්යවකාශයේ බොහෝ දුරක් ගමන් කරමින් සිටින වොයේජර් 2 යානය තවත් වසරක් අඛණ්ඩව ක්රියාත්මක කර තබා ගැනීමට නාසා ආයතනය සමත් වෙලා තියෙනවා. 1977 වසරේදී අභ්යවකාශගත කළ මෙම යානය මේ වන විට පෘථිවියේ සිට ඉතාමත් දුරකින් තමයි ගමන් කරන්නේ. යානයේ ඇති ප්ලූටෝනියම් බැටරිවල ශක්තිය ක්රමයෙන් අඩු වී යාම නිසා, එහි ඇති විද්යාත්මක උපකරණ පවත්වාගෙන යාම ලොකු අභියෝගයක් වෙලා තිබුණා. ඒ නිසා නාසා ඉංජිනේරුවන් විසින් යානයේ අත්යවශ්ය නොවන පද්ධති කිහිපයක් අක්රිය කර, ඉතිරි වී ඇති ශක්තිය උපරිමයෙන් කළමනාකරණය කිරීමට පියවර ගෙන තිබෙනවා.
මෙම නව වෙනස්කම් නිසා වොයේජර් 2 යානයේ දැනට ඉතිරිව ඇති විද්යාත්මක උපකරණ තුන තවත් වසරක් පුරාවට සාර්ථකව ක්රියාත්මක කිරීමට හැකියාව ලැබෙනවා. ඇත්තටම මේ යානය මුලින්ම ගියේ බ්රහස්පති, සෙනසුරු, යුරේනස් සහ නෙප්චූන් වැනි ග්රහලෝක නිරීක්ෂණය කරන්න. නමුත් අද වන විට එය සෞරග්රහ මණ්ඩලයෙන් පිටත අන්තර් තාරකා අවකාශයේ ගමන් කරමින් අපට වටිනා දත්ත ලබා දෙනවා. ඉදිරි මාස කිහිපය තුළ වොයේජර් 1 යානය සඳහාත් මෙවැනිම ශක්ති කළමනාකරණ ක්රියාවලියක් සිදු කිරීමට නාසා ආයතනය සැලසුම් කරලා තියෙනවා. පෘථිවියේ සිට බිලියන ගණනක් කිලෝමීටර් දුරින් තිබුණත්, මේ යානා දෙක තවමත් අපේ විශ්වය ගැන අලුත් තොරතුරු ලෝකයට ගෙන එන එක ඇත්තටම පුදුම හිතෙන දෙයක්.

Discussion & Feedback