උතුරු කොරියාව තමන්ගේ න්යෂ්ටික අවි නිෂ්පාදන කටයුතු තවදුරටත් පුළුල් කරමින් සිටින බවට ජාත්යන්තර පරමාණු බලශක්ති ඒජන්සිය (IAEA) අනතුරු අඟවනවා. ඔවුන්ගේ ප්රධාන න්යෂ්ටික මධ්යස්ථානය වන යොන්ග්බියොන් (Yongbyon) සංකීර්ණයේ නව දෙමහල් යුරේනියම් පොහොසත් කිරීමේ ගොඩනැගිල්ලක් ඉදිකර ඇති බව චන්ද්රිකා ඡායාරූප මගින් තහවුරු වී තිබෙනවා. මේ මගින් උතුරු කොරියාවට තමන් සතු න්යෂ්ටික අවි නිෂ්පාදන ධාරිතාව විශාල ලෙස වැඩි කරගැනීමට හැකියාව ලැබෙන බවයි විශේෂඥයන් පවසන්නේ. 2009 වසරේ සිට එම රට තුළ පරීක්ෂණ කටයුතු සිදු කිරීමට අවසරයක් නොමැති වුවත්, චන්ද්රිකා දත්ත ඔස්සේ මෙම රහසිගත ඉදිකිරීම් පිළිබඳව ලෝකයට හෙළි වී තිබෙනවා.
උතුරු කොරියානු නායක කිම් ජොන් උන් පසුගිය කාලයේදී මෙම න්යෂ්ටික ද්රව්ය නිෂ්පාදන කර්මාන්තශාලා නිරීක්ෂණය කරමින්, රටේ න්යෂ්ටික බලය තවදුරටත් ශක්තිමත් කරන බවට ප්රකාශ කර තිබුණා. 2022 වසරේදී තමන් න්යෂ්ටික බලවතෙකු බව නිල වශයෙන් ප්රකාශ කළ උතුරු කොරියාව, කිසිදු හේතුවක් මත එම අවි අත් නොහරින බවයි අවධාරණය කරන්නේ. කෙසේ වෙතත්, ලෝකයේ දුප්පත්ම රටක් ලෙස සැලකෙන උතුරු කොරියාව මෙවැනි දැවැන්ත න්යෂ්ටික ව්යාපෘති සඳහා මිලියන ගණනින් මුදල් වැය කිරීම ජාත්යන්තර ප්රජාවගේ දැඩි කනස්සල්ලට හේතු වී තිබෙනවා. එක්සත් ජාතීන්ගේ ආරක්ෂක මණ්ඩලයේ තහනම් නියෝග පවා නොතකමින් ඔවුන් සිදුකරන මෙම ක්රියාකාරකම් කලාපීය සාමයට විශාල තර්ජනයක් බවයි විචාරකයන් පෙන්වා දෙන්නේ.

Discussion & Feedback