Netflix හරහා විකාශය වන ආදර කතා මාලාවක් වන ‘My Life with the Walter Boys’ මේ දිනවල ලොව පුරාම ලොකු කතාබහකට ලක්වෙලා තියෙනවා. ඇලි නොවැක්ගේ නවකතාවක් ඇසුරින් නිර්මාණය වුණු මේ කතා මාලාවේ තුන්වන කොටස මේ වන විට Rotten Tomatoes වෙබ් අඩවියේ 100%ක ඉහළම අගයක් ලබාගනිමින් වාර්තාවක් පිහිටුවන්න සමත් වෙලා තියෙනවා. පසුගිය අගෝස්තු 6 වැනිදා Netflix වෙත මුදාහැරපු මේ කතා මාලාව මේ වන විට ලෝකයේ වැඩිම පිරිසක් නරඹන අංක එකේ කතා මාලාව බවට පත්වෙලා තියෙන්නේ රසිකයන්ගේ දැඩි ආකර්ෂණය දිනා ගනිමින්. ජැකී, කෝල් සහ ඇලෙක්ස්ගේ ජීවිතවල සිදුවන වෙනස්කම් සහ ඔවුන්ගේ ආදර කතා තේමාව කරගනිමින් නිර්මාණය වුණු මේ කතා මාලාව රසිකයන් අතර කොතරම් ජනප්‍රියද කියනවා නම්, දැනටමත් හතරවන කතා මාලාව සඳහාත් නිෂ්පාදන කටයුතු ආරම්භ කරලා තියෙනවා.
පළමු සහ දෙවන කතා මාලාවලට වඩා තුන්වන කතා මාලාව තුළ කතාවේ ගලායාම ඉතාම සාර්ථක බව විචාරකයන් පවා පෙන්වා දෙනවා. බොහෝ විට ආදර කතා මාලා සම්බන්ධයෙන් විචාරකයන් සහ රසිකයන් අතර මත ගැටුම් තිබුණත්, මෙවර මෙම නිර්මාණය දෙපාර්ශවයම එක සේ අගය කරන බව පෙනෙන්නට තියෙනවා. කතාවේ සිදුවන අනපේක්ෂිත සිදුවීම් සහ චරිතවල පරිණතභාවය නිසා බොහෝ දෙනෙක් මේ කතා මාලාව එක දිගට නරඹන්න (binge-watch) පෙළඹිලා තියෙනවා. හතරවන කතා මාලාව ගැන නිල වශයෙන් දිනයක් ප්‍රකාශ කර නොතිබුණත්, රසිකයන් නම් මේ වන විටත් ජැකීගේ ආදර කතාවේ ඊළඟ පියවර බලාපොරොත්තුවෙන් ඉතා උනන්දුවෙන් ඉන්නවා.
Discussion & Feedback