ඉන්දියාවේ මධ්ය ප්රදේශ් ප්රාන්තයේ විනිසුරුවරියක් වන තබසුම් ඛාන් මහත්මිය මේ දිනවල දැඩි කතාබහකට ලක්වෙලා ඉන්නවා. ඒ ඇය විසින් ලබාදුන් නඩු තීන්දුවක් නිසා ඇයට එල්ල වන බරපතළ මරණ තර්ජන සහ සමාජ මාධ්ය ඔස්සේ සිදුවන අපහාස කිරීම් නිසයි. 2022 වසරේදී ගවයින් ප්රවාහනය කරමින් සිටි පුද්ගලයෙකුට පහර දී ඝාතනය කළ ‘ගව ආරක්ෂකයින්’ 14 දෙනෙකුට ඇය මෑතකදී ජීවිතාන්තය දක්වා සිරදඬුවම් නියම කළා. මෙම සිද්ධිය ඉන්දියාවේ විශාල ආන්දෝලනයක් ඇති කිරීමට සමත් වුණා.
නමුත් මේ තීන්දුවෙන් පසුව, අන්තවාදී කණ්ඩායම් විසින් ඇයගේ නීතිමය තීරණය විවේචනය කරනවා වෙනුවට ඇය මුස්ලිම් ජාතිකයෙකු වීම ඉලක්ක කරගෙන ද්වේශ සහගත ප්රහාර එල්ල කිරීම ආරම්භ කර තිබෙනවා. ඇයට මරණ තර්ජන සහ දූෂණ තර්ජන එල්ල කරමින් වීඩියෝ දර්ශන අන්තර්ජාලයට එක් කර ඇති අතර, ඇතැම් කණ්ඩායම් ඇයගේ රූප පිළිම පවා පුළුස්සා විරෝධය පළ කර තිබෙනවා. නීතියේ ආධිපත්යය වෙනුවෙන් පෙනී සිටි විනිසුරුවරියකගේ ආගමික අනන්යතාවය පදනම් කරගෙන මෙවැනි ප්රහාර එල්ල කිරීම ඉන්දීය අධිකරණ ක්ෂේත්රයේ දැඩි කම්පනයක් ඇති කර තිබෙනවා.
මේ තත්ත්වය හමුවේ ඇයට පොලිස් ආරක්ෂාව ලබා දී ඇති අතර, ඉන්දියාවේ ප්රමුඛ පෙළේ නීති විශාරදයින් ඇයට සහය පළ කරමින් ප්රකාශ කරන්නේ අධිකරණ තීන්දුවක් විවේචනය කළ යුත්තේ නීතිමය පදනමකින් මිස ආගමික පදනමකින් නොවන බවයි. කෙසේ වෙතත්, මේ වන විටත් අන්තර්ජාලය තුළ ඇයට එරෙහිව වෛරී ප්රකාශ පැතිරීම නතර වී නැති අතර, එය ඉන්දියාවේ පවතින ආගමික අන්තවාදී ගැටලු තවත් උග්ර කර තිබෙනවා.

Discussion & Feedback