ඕස්ට්රේලියාවේ ලියොන්ගාතා ප්රදේශයේදී විෂ හතු සහිත ආහාර වේලක් ලබා දී පුද්ගලයන් තිදෙනෙකු ඝාතනය කිරීමේ චෝදනාවට ජීවිතාන්තය දක්වා සිරදඬුවම් විඳින එරින් පැටසන් නැවතත් අධිකරණය හමුවට පැමිණ තිබෙනවා. තමන්ට සාධාරණ නඩු විභාගයක් නොලැබුණු බව පවසමින් ඇය සිය දඬුවමට එරෙහිව අභියාචනයක් ඉදිරිපත් කර ඇති අතර, ඇයගේ නීතිඥවරු පවසන්නේ නඩු විභාගයේදී ඉදිරිපත් කළ ඇතැම් සාක්ෂි අදාළ නොවන බවත්, තවත් වැදගත් සාක්ෂි මගහැරී ගිය බවත්ය. විශේෂයෙන්ම ඇය හතු එකතු කිරීමට ගිය ස්ථාන පිළිබඳ දුරකථන දත්ත සහ ෆේස්බුක් පණිවිඩ සාක්ෂි ලෙස භාවිත කිරීම අසාධාරණ බව ඔවුන් තර්ක කරනවා.
මෙම සිද්ධියෙන් මියගිය අයගේ පවුල්වල අය සහ පැටසන්ගේ හිටපු සැමියා පවා ඇයගේ ක්රියාකලාපය පිළිබඳ බරපතල චෝදනා එල්ල කර තිබුණා. ඇය මෙම මරණ හිතාමතා සිදුකළ ඒවා නොව අත්වැරදීමකින් සිදුවූවක් බව දිගින් දිගටම පවසනවා. කෙසේ වෙතත්, පැටසන්ට ලබාදුන් වසර 33ක සිරදඬුවම ප්රමාණවත් නොවන බව පවසමින් රජයේ නීතිඥවරුන් ද ඇයගේ දඬුවම වැඩි කරන ලෙස ඉල්ලා අභියාචනයක් ඉදිරිපත් කර තිබෙනවා. මේ වන විට ඇය මෙල්බර්න් නුවර බන්ධනාගාරයක සිට වීඩියෝ තාක්ෂණය ඔස්සේ මෙම නඩු විභාගයට සම්බන්ධ වන අතර, ඉදිරියේදී මෙම නඩුවේ තීන්දුව කෙසේ වනු ඇත්ද යන්න පිළිබඳව බොහෝ දෙනා අවධානයෙන් පසුවනවා.

Discussion & Feedback