සුපර්මෑන් චරිතයෙන් ලොව පුරා ජනප්‍රිය වුණු ඩේවිඩ් කොරන්ස්වෙට් මේ දවස්වල අලුත්ම වැඩකට අතගහලා තියෙනවා. ඒ තමයි ‘Mr. Irrelevant’ කියන චිත්‍රපටය. මේක ඇත්තටම සිද්ධ වුණු කතාවක්. 1983 අවුරුද්දේ NFL ක්‍රීඩකයෙක් විදිහට අවසාන වටයේ අවසාන ක්‍රීඩකයා විදිහට තේරුණු ජෝන් ටගල්ගේ ජීවිතය ගැන තමයි මේ චිත්‍රපටයෙන් කියවෙන්නේ. ඔහු නිව්යෝර්ක් ජයන්ට්ස් කණ්ඩායම වෙනුවෙන් ක්‍රීඩා කරපු දක්ෂ ක්‍රීඩකයෙක්. හැබැයි හරිම අවාසනාවන්ත විදිහට වයස අවුරුදු 25දී පිළිකා රෝගය නිසා ඔහුට ජීවිතය අහිමි වෙනවා. මේ චිත්‍රපටයෙන් පෙන්නුම් කරන්නේ ඔහු කොහොමද අභියෝග මැදින් ජයග්‍රහණය කරා ගියේ කියන එකයි.
ජොනතන් ලෙවින් අධ්‍යක්ෂණය කරන මේ චිත්‍රපටයේ ඩේවිඩ් කොරන්ස්වෙට් එක්ක මයිකල් ෂැනන් සහ ඉසබෙල් මේ වගේ ජනප්‍රිය නළු නිළියන් රැසක් රංගනයෙන් දායක වෙනවා. නිකි සන්ටෝරාගේ තිර රචනයකින් හැඩවෙන මේ නිර්මාණය නත්තල් දිනේදී ප්‍රේක්ෂකයන්ට බලාගන්න පුළුවන්. ටගල් කියන්නේ තමන්ගේ පුහුණුකරුගේ සහ කණ්ඩායමේ බලාපොරොත්තු ඉහළින්ම ඉටු කරපු කෙනෙක්. ජීවිතේ මොන තරම් අභියෝග ආවත් බලාපොරොත්තු අත්හරින්නේ නැතුව ඉස්සරහට යන්න පුළුවන් කියන පණිවිඩය මේ චිත්‍රපටයෙන් ලස්සනට පෙන්නලා තියෙනවා. ඉතින් මේ වගේ හිතට දැනෙන කතාවක් බලන්න කැමති අයට මේක හොඳ අවස්ථාවක් වෙයි.
Discussion & Feedback