වෙනිසියුලාවේ ඇතිවූ දරුණු භූමිකම්පා මාලාව අතරතුර තම කුඩා දියණියගේ ජීවිතය බේරා ගැනීමට උත්සාහ කළ මවක් අවාසනාවන්ත ලෙස ජීවිතක්ෂයට පත්වීමේ පුවතක් වාර්තා වෙනවා. මෙම සිදුවීමට මුහුණ දී ඇත්තේ ප්රසිද්ධ පාපන්දු ක්රීඩකයෙකු වන හෙක්ටර් බෙලෝගේ බිරිඳ වන ඇන්ඩ්රියායි. භූමිකම්පාවෙන් ගොඩනැගිලි කඩා වැටෙද්දී ඇය තම දියණියව ආරක්ෂා කර ගැනීමට දැඩි උත්සාහයක් ගෙන ඇති අතර, අවසානයේ ඇය ජීවිතය පූජා කරමින් දියණියව බේරා ගැනීමට සමත් වුණා. හෙක්ටර් බෙලෝ සිය සමාජ මාධ්ය ගිණුමේ සංවේදී සටහනක් තබමින් පවසා සිටියේ, තම දියණියට අනාගතයේදී ඇගේ මව කෙතරම් නිර්භීත කාන්තාවක්ද යන්න සහ ඇය වෙනුවෙන් දිවි පිදූ ආකාරය තමා පවසන බවයි.
මේ වන විට මෙම භූමිකම්පාවෙන් මියගිය සංඛ්යාව 589 ඉක්මවා ගොස් ඇති අතර තවත් දහස් ගණනක් තුවාල ලබා තිබෙනවා. ගලවා ගැනීමේ කණ්ඩායම් තවමත් සුන්බුන් අතර සිරවී සිටින අය සොයා මෙහෙයුම් සිදු කරනවා. මෙම ව්යසනයෙන් පාපන්දු ක්රීඩකයින් දෙදෙනෙකු ඇතුළු තවත් බොහෝ පිරිසක් ජීවිතක්ෂයට පත්ව ඇති බවයි වාර්තා වෙන්නේ. හෙක්ටර් බෙලෝගේ දියණිය සහ ඇගේ නැන්දා මේ වන විට රෝහල්ගතව ප්රතිකාර ලබන අතර ඔවුන්ගේ තත්ත්වය යහපත් බව සඳහන්. ස්වභාවික විපතක් හමුවේ මවක් තම දරුවා වෙනුවෙන් දැක්වූ මේ කැපවීම ලොව පුරා බොහෝ දෙනෙකුගේ කම්පනයට සහ ගෞරවයට පාත්ර වී තිබෙනවා.

Discussion & Feedback