මේ දවස්වල කැනඩාව පුරාම ලැව්ගිනි 800කට වඩා ඇවිලෙනවා. මේ තත්ත්වය හරිම බරපතලයි. මේ ලැව්ගිනි නිසා ඇතිවෙලා තියෙන දුමාරය දැන් ඇමරිකාවේ ප්රාන්ත කිහිපයකටම පැතිරිලා ගිහින්. විශේෂයෙන්ම මිචිගන්, මිනියාපොලිස් සහ මිනසෝටා වගේ ප්රදේශවල වායු තත්ත්වය හරිම භයානක මට්ටමක තියෙන්නේ. ඒ නිසා එහෙ ඉන්න අයට එළියට නොබැස ගෙවල් ඇතුළටම වෙලා ඉන්න කියලා බලධාරීන් උපදෙස් දීලා තියෙනවා. ලෝකයේ වායු තත්ත්වය මනින දර්ශකවලට අනුව ඩෙට්රොයිට් නගරය මේ වෙද්දී ලෝකයේ දූෂිතම වාතය තියෙන නගරය බවට පත්වෙලා ඉවරයි.
කැනඩාවේ ඔන්ටාරියෝ ප්රදේශයේ ලැව්ගිනි නිසා ඇතිවෙලා තියෙන ඝන දුමාරය නිසා නිව්යෝර්ක් නගරය වගේ ප්රදේශවල අහසත් බොඳ වෙලා ගිහින්. මේ දවස්වල හමන සුළං රටාව නිසා මේ දුමාරය දිගටම ඇමරිකාව දෙසට ඇදී එනවා. මේ සතියේ ඉරිදා පැවැත්වෙන ලෝක කුසලාන අවසන් මහා තරගයටත් මේ දුමාරය බලපායිද කියන බියක් පවතිනවා. ඒ වගේම ඔන්ටාරියෝවලදී දුම්රියක් ලැව්ගිනි මැද හිරවෙලා තිබුණු දර්ශනත් සමාජ මාධ්යවල හරිම බියකරු විදිහට හුවමාරු වුණා. වාසනාවකට ඒ දුම්රියේ හිටපු සේවකයෝ ඔක්කොම බේරගන්න පුළුවන් වුණා.
ඉදිරි දින කිහිපයේදී ඔන්ටාරියෝවල වැසි ඇති වුණත්, ලැව්ගිනි පාලනය කරන්න ඒ වැස්ස ප්රමාණවත් වෙන්නේ නැහැ කියලයි කාලගුණ විද්යාඥයෝ කියන්නේ. කොහොම වුණත් සඳුදා වෙද්දී සුළඟේ දිශාව වෙනස් වෙන්න ඉඩ තියෙන නිසා, ඇමරිකාවේ වායු තත්ත්වය ටිකක් හොඳ අතට හැරෙයි කියලා බලාපොරොත්තු වෙන්න පුළුවන්.

Discussion & Feedback