ඕස්ට්රේලියාවේ සිඩ්නි නුවර පදිංචිව සිටි දහඅට හැවිරිදි ලිලී හූපර් නම් තරුණිය පසුගිය දින අටක කාලයක් පුරා අතුරුදහන්ව සිටි අතර, ඇයව සොයා සිදුකළ දැවැන්ත මෙහෙයුමකින් පසුව ඇගේ මළ සිරුර වනාන්තරයක තිබී සොයාගෙන තියෙනවා. ඇය පසුගිය අගෝස්තු දොළොස් වැනිදා නැටි ජාතික වනෝද්යානයේ ඇවිදීමට ගොස් නැවත නිවසට නොපැමිණි නිසා පවුලේ අය ඇය අතුරුදහන් බවට පොලිසියට පැමිණිලි කර තිබුණා. පසුව ඇය ගමන් කළ මෝටර් රථය එම වනෝද්යානයේ පිහිටි දුෂ්කර මාර්ගයක වාහන නැවතුම්පොළක තිබී සොයාගැනීමට හැකි වුණා.
මෙම සිදුවීම සම්බන්ධයෙන් මුලින් යම් ව්යාකූලත්වයක් ඇති වුණේ නිව් සවුත් වේල්ස් ප්රාන්තයේ අගමැති ක්රිස් මින්ස් ඇයව ජීවතුන් අතර සොයාගෙන ඇති බවට පාර්ලිමේන්තුවේදී ප්රකාශ කිරීම නිසයි. කෙසේ වෙතත්, පසුව ඔහු එම ප්රකාශය නිවැරදි කරමින් ඇය මියගොස් ඇති බව තහවුරු කළා. ඇයව සොයා ගැනීමට පොලිසිය, ගුවන් හමුදාව, සහ ආරක්ෂක අංශවල සාමාජිකයන් සියයකට අධික පිරිසක් දින අටක් පුරා දැඩි වෙහෙසක් ගත්තා. තරුණියගේ අකල් වියෝව පිළිබඳව අගමැතිවරයා ඇතුළු බලධාරීන් ඇගේ පවුලේ උදවියට සිය බලවත් ශෝකය ප්රකාශ කර තිබෙනවා.

Discussion & Feedback