ලොව පුරා බොහෝ දෙනෙක් බලා සිටි මිස් ඇමරිකා සහ මිස් ටීන් ඇමරිකා රූ රැජින තරගාවලි දෙකම විකාශය කිරීමට නියමිතව තිබූ CW නාලිකාවෙන් හදිසියේම ඉවත් කර තිබෙනවා. තරගාවලි විකාශය වීමට සතියකටත් අඩු කාලයක් තිබියදී ගත් මෙම තීරණය බොහෝ දෙනා මවිතයට පත් කළ සිදුවීමක්. පසුගිය අප්රේල් මාසයේදී මේ සඳහා ගිවිසුමක් අත්සන් කළත්, අවසාන මොහොතේ ඇති වූ නිෂ්පාදන ගැටලු සහ කොන්ත්රාත්තු සම්බන්ධ ගැටලු හේතුවෙන් මෙම විකාශය අවලංගු කිරීමට සිදුව ඇති බවයි වාර්තා වෙන්නේ. කෙසේ වෙතත්, මෙම තරගාවලි දැන් Queen Beauty Network ඔස්සේ අන්තර්ජාලය හරහා නැරඹීමට අවස්ථාව ලැබෙනවා.
මෑත කාලයේදී මෙම තරගාවලි සංවිධානය සම්බන්ධයෙන් විවිධ මතභේදාත්මක සිදුවීම් වාර්තා වුණා. විශේෂයෙන්ම පසුගිය වසරේ ජයග්රාහිකාවන් දෙදෙනෙක් සංවිධායක මණ්ඩලයට එරෙහිව හිරිහැර කිරීම් සහ අනිසි බලපෑම් සම්බන්ධයෙන් චෝදනා එල්ල කරමින් ඉල්ලා අස්වීම විශාල කතාබහකට ලක් වුණා. මීට අමතරව, මෑතකදී මිස් නෝර්ත් කැරොලිනා තරගකාරියක් ජාතිවාදී සහ වෙනස් කොට සැලකීමේ චෝදනා මත තරගයෙන් ඉවත් කිරීමත් සමඟ මෙම සංවිධානය නැවතත් ආන්දෝලනයට ලක් වුණා. මේ සියලු සිදුවීම් මධ්යයේ, මෙවර තරගාවලිය රූපවාහිනියෙන් විකාශය නොකිරීමට ගත් තීරණය බොහෝ දෙනාගේ අවධානයට ලක්ව තිබෙනවා.
Discussion & Feedback