කොළඹ නගරය ආශ්රිතව පොදු ප්රවාහන සේවය වඩාත් කාර්යක්ෂම සහ පහසු කිරීමේ අරමුණින් ක්රියාත්මක කරන ‘කොළඹ මෙට්රෝ ට්රාන්සිට්’ බස් ව්යාපෘතිය එළඹෙන සැප්තැම්බර් මාසයේ සිට සම්පූර්ණයෙන්ම ක්රියාත්මක කිරීමට ප්රවාහන අමාත්ය බිමල් රත්නායක මහතා පියවර ගෙන තිබෙනවා. මේ සම්බන්ධයෙන් අමාත්යවරයා විසින් නවතම මාර්ග සිතියම ද ප්රසිද්ධියට පත් කර ඇති අතර, ඒ හරහා කොළඹ නගරය සහ තදාසන්න ප්රදේශ අතර ගමනාගමනය ඉතා පහසු වනු ඇති බවයි වාර්තා වෙන්නේ.
මෙම නව බස් සේවාව මගින් මාකුඹුර, මිලේනියම් සිටි, කඩවත, පානදුර, ඒකල සහ කැස්බෑව වැනි ප්රධාන නගර රැසක් කොළඹ නගරය සමඟ සම්බන්ධ කෙරෙනවා. මීට අමතරව කොල්ලුපිටිය කේන්ද්ර කරගත් විශේෂ වටරවුම් සේවාවක් ද මෙම ව්යාපෘතියට ඇතුළත් කර තිබීම විශේෂත්වයක්. නවීන පහසුකම්වලින් සමන්විත මෙම බස් රථ ජාලය මගින් කොළඹට දිනපතා පැමිණෙන මගීන්ට කාලය ඉතිරි කර ගනිමින් ඉතා පහසුවෙන් සිය ගමන් බිමන් සිදු කර ගැනීමට අවස්ථාව ලැබෙනු ඇති.
පොදු ප්රවාහන ක්ෂේත්රයේ සිදුවන මෙම දැවැන්ත වෙනස හරහා කොළඹ නගරයේ පවතින රථවාහන තදබදය අවම කර ගැනීමටත්, මගී ජනතාවට වඩාත් ගුණාත්මක සේවාවක් ලබා දීමටත් බලාපොරොත්තු වන බවයි අමාත්යවරයා වැඩිදුරටත් සඳහන් කරන්නේ. සැප්තැම්බර් මාසයේ සිට මෙම සේවාවන් ක්රියාත්මක වීමත් සමඟ කොළඹ නගරයේ ප්රවාහන පද්ධතියේ විශාල දියුණුවක් බලාපොරොත්තු වෙන්න පුළුවන්.

Discussion & Feedback