ප්රවීණ අධ්යක්ෂ ක්රිස්ටෝපර් නෝලන්ගේ අති දැවැන්ත නිර්මාණයක් වන ‘ද ඔඩිසි’ (The Odyssey) චිත්රපටය මේ දිනවල ලොව පුරාම කතාබහට ලක්වෙලා තියෙනවා. මැට් ඩේමන් සහ සෙන්ඩයා රංගනයෙන් දායක වන මේ චිත්රපටය විශාල තිරයකින්ම නැරඹිය යුතු බව නෝලන් නිතරම පවසන දෙයක්. නමුත් අවාසනාවකට වගේ, පසුගිය සෙනසුරාදා X සමාජ මාධ්ය ඔස්සේ මේ චිත්රපටයේ උසස් තත්ත්වයේ පිටපතක් කාන්දු වෙලා තියෙනවා. පැය දෙකහමාරක් වැනි කෙටි කාලයක් ඇතුළත මිලියන 2.1කට අධික පිරිසක් මේ වීඩියෝව නරඹා තිබීම සැබවින්ම පුදුම හිතෙන කරුණක්. පසුව අදාළ ගිණුම සමාජ මාධ්ය ආයතනය විසින් අත්හිටුවීමට පියවර ගත්තා.
මේ චිත්රපටය සම්පූර්ණයෙන්ම 70mm කැමරා තාක්ෂණයෙන් නිර්මාණය කරලා තියෙන්නේ IMAX තිරවල අත්දැකීම උපරිමයෙන් ලබාගන්නයි. චිත්රපටය කාන්දු වීම සම්බන්ධයෙන් චිත්රපට නිෂ්පාදන ආයතනය වන යුනිවර්සල් සමාගම දැඩි ලෙස විරෝධය පළ කරලා තියෙනවා. ඔවුන් පවසන්නේ බුද්ධිමය දේපළ අයිතිය සුරැකීමට අවශ්ය ඕනෑම නීතිමය පියවරක් ගැනීමට තමන් පසුබට නොවන බවයි. කෙසේ වෙතත්, මේ සිදුවීම චිත්රපටයේ ආදායම් වාර්තාවලට ලොකු බලපෑමක් කරන්නේ නැහැ කියලයි වාර්තා වෙන්නේ. දැනටමත් ලොව පුරා ඩොලර් මිලියන 640ක ආදායමක් ලබාගෙන සාර්ථකව තිරගත වන ‘ද ඔඩිසි’ චිත්රපටය, සිනමා ලෝලීන් අතර තවමත් ඉහළ ජනප්රියත්වයක් දරනවා.

Discussion & Feedback