ප්රසිද්ධ හොලිවුඩ් චිත්රාගාර කිහිපයක් සහ කෘත්රිම බුද්ධි තාක්ෂණ සමාගමක් වන මිඩ්ජර්නි අතර මේ දිනවල දැඩි නීතිමය ගැටුමක් නිර්මාණය වෙලා තියෙනවා. ඩිස්නි, යුනිවර්සල් සහ වෝනර් බ්රදර්ස් වැනි දැවැන්ත ආයතන මිඩ්ජර්නි සමාගමට චෝදනා කරන්නේ ඔවුන්ගේ අවසරයකින් තොරව චිත්රපටවල එන චරිත භාවිත කරමින් AI මාදිලි පුහුණු කරන බවයි. නමුත් මිඩ්ජර්නි ආයතනය මේ චෝදනාව ප්රතික්ෂේප කරමින් පවසන්නේ මෙය සාධාරණ භාවිතයක් (fair use) බවයි. දැන් ඔවුන් උත්සාහ කරන්නේ මේ චිත්රාගාරවලම රහසිගත AI භාවිතයන් පිළිබඳ තොරතුරු අධිකරණය හරහා එළියට ගන්නයි.
මිඩ්ජර්නි ආයතනය තර්ක කරන්නේ හොලිවුඩ් චිත්රාගාර තමන්ට විරුද්ධව නඩු පැවරුවත්, ඔවුන් පවා තිරය පිටුපස තමන්ගේම නිර්මාණ කටයුතු සඳහා AI තාක්ෂණය යොදා ගන්නා බවයි. ඔවුන් පවසන්නේ චිත්රාගාරවල අභ්යන්තර කටයුතු සඳහා ඔවුන් පවා ප්රකාශන හිමිකම් සහිත දත්ත භාවිත කරන්නේ නම්, එය කර්මාන්තයේ සාමාන්ය සිරිතක් බව ඔප්පු වන බවයි. මේ නිසා තමන්ට එරෙහිව පමණක් නීතිය ක්රියාත්මක කිරීම අසාධාරණ බව ඔවුන් පෙන්වා දෙනවා. කෙසේ වෙතත්, චිත්රාගාරවල නීතිඥයන් පවසන්නේ මෙය මිඩ්ජර්නි ආයතනය විසින් නීතිමය ක්රියාවලිය අවුල් කිරීමට කරන උත්සාහයක් බවයි. ඔවුන්ගේ එකම ඉල්ලීම වන්නේ තමන්ගේ චරිත අවසරයකින් තොරව අනිසි ලෙස භාවිත කිරීම නතර කරන ලෙස පමණක් බවයි. ඉදිරියේදී මේ ගැටුම කුමන අතකට හැරේවිද යන්න තාක්ෂණික ලෝකයම බලාගෙන ඉන්නවා.

Discussion & Feedback