ළමයින්ගේ ආරක්ෂාව සම්බන්ධයෙන් එල්ල වූ චෝදනා හේතුවෙන් ඇමරිකානු ප්රාන්ත 29ක් විසින් ගොනු කළ නඩුවක් විසඳීම සඳහා මෙටා සමාගම ඇමරිකානු ඩොලර් බිලියන 18ක දැවැන්ත වන්දියක් ගෙවීමට එකඟ වෙලා තියෙනවා. මේක ඉතිහාසයේ සිදුවුණු විශාලතම එකඟතාවයක් විදිහට තමයි සැලකෙන්නේ. මේ මුදල ඉදිරි වසර 10ක් පුරා ගෙවීමට නියමිත අතර, මෙටා සමාගමේ වාර්ෂික ආදායම එක්ක බලද්දී මේක එතරම් ලොකු බලපෑමක් නොවන බවයි තාක්ෂණික නීතිවේදීන් පෙන්වා දෙන්නේ. කෙසේ වෙතත්, මෙටා සමාගම කිසිදු වරදක් පිළිගැනීමකින් තොරව මෙම නඩුව සමථයකට පත් කරගෙන තිබීම විශේෂත්වයක්.
මෙම එකඟතාවය අනුව, ඉන්ස්ටග්රෑම් සහ ෆේස්බුක් භාවිතා කරන ළමයින් වෙනුවෙන් දැඩි ආරක්ෂක නීති මාලාවක් ක්රියාත්මක කිරීමට මෙටා සමාගමට සිදුවෙනවා. දිනකට පැය දෙකක කාල සීමාවක්, රාත්රී කාලයේදී ගිණුම් අවහිර කිරීම සහ පාසල් වේලාවන් තුළ දැනුම්දීම් අක්රිය කිරීම වැනි වෙනස්කම් රැසක් මීට ඇතුළත්. නමුත් මේ සියල්ල රඳා පවතින්නේ නිවැරදි වයස් සත්යාපන තාක්ෂණයක් මතයි. දැනට පවතින තාක්ෂණයන් එතරම් සාර්ථක නැති නිසා, මේ පියවර මගින් පරිශීලකයන්ගේ පෞද්ගලික දත්තවලට තර්ජනයක් විය හැකි බවට විශේෂඥයන් අනතුරු අඟවනවා. ආරක්ෂාව සහ පෞද්ගලිකත්වය අතර පවතින මේ ගැටුම ඉදිරියේදී කොහොම විසඳේවිද කියන එක ලොකු ප්රශ්නයක් වෙලා තියෙනවා.

Discussion & Feedback