ලොව පුරා ඉන්න බැට්මෑන් රසිකයන් ආසාවෙන් බලාගෙන හිටපු ‘ද බැට්මෑන් පාට් 2’ චිත්‍රපටය ගැන අලුත්ම ආරංචියක් ඇවිත් තියෙනවා. මේ චිත්‍රපටය 2028 වසරේ පෙබරවාරි 18 වෙනිදා දක්වා කල් දාන්න නිෂ්පාදකවරු තීරණය කරලා තියෙනවා. ඒ වගේම චිත්‍රපටයේ අධ්‍යක්ෂක මැට් රීව්ස් විසින් රොබට් පැටින්සන් බැට්මෑන් ඇඳුමෙන් සැරසිලා ඉන්න කෙටි වීඩියෝවක් සමාජ මාධ්‍ය ඔස්සේ නිකුත් කරලා තියෙනවා. වැස්ස මැද පොලිස් රථයක ආලෝකය පසුබිම් කරගෙන බැට්මෑන් කැමරාව දිහා තියුණු බැල්මක් හෙලන දර්ශනය ඇත්තටම හරිම ආකර්ෂණීයයි.
මේ චිත්‍රපටයේ පිටපත ගැන රොබට් පැටින්සන් වගේම පෙන්ගුයින් චරිතයට පණ පොවන කොලින් ෆැරල් ගොඩක් දේවල් කියලා තියෙනවා. පැටින්සන් කියන විදිහට මේ චිත්‍රපටය පළමු කොටසට වඩා ගොඩක් වෙනස්, හරිම විශේෂ එකක් වෙයි. කොලින් ෆැරල් නම් මේ පිටපත හඳුන්වන්නේ ‘මාස්ටර්වර්ක්’ එකක් විදිහටයි. ඒ වගේම මේක හරිම ගැඹුරු, බුද්ධිමත් සහ විස්තරාත්මක කතාවක් කියලා ඔහු වැඩිදුරටත් සඳහන් කරනවා. කොහොම වුණත්, මේ චිත්‍රපටය එනකම් රසිකයන්ට තව ටික කාලයක් ඉවසන්න සිද්ධ වෙනවා. මොනවා වුණත් මේක අනිවාර්යයෙන්ම බලන්න වටිනා සිනමා අත්දැකීමක් වෙයි කියලා තමයි හැමෝම බලාපොරොත්තු වෙන්නේ.
Discussion & Feedback