මාර්වල් රසිකයන් ගොඩක් ආදරය කරන ‘ලොකී’ චරිතයට සමුදෙන්න කාලය ඇවිත් කියලා තමයි මාර්වල් රයිවල්ස් (Marvel Rivals) ක්රීඩාවෙන් අලුත්ම ආරංචිය ලැබෙන්නේ. මාර්වල් විශ්වයේ දශක ගණනාවක් තිස්සේ විවිධ මුහුණුවරින් අපිට දකින්න ලැබුණු මේ දඟකාර දෙවියාව, අලුත්ම කතාවේදී ‘ගෝර් ද ගෝඩ් බුචර්’ (Gorr the God Butcher) විසින් මරා දමනවා. මේ සිදුවීමත් එක්ක ලොකීව ක්රීඩාවේ කැෂුවල් මෝඩ්ස් වලින් ඉවත් කරලා තියෙනවා. ගෝර් කියන්නේ තමන්ගේ ‘නෙක්රෝස්වර්ඩ්’ එක පාවිච්චි කරලා දෙවිවරුන්ව විනාශ කරන ඉතාම භයානක විරුද්ධවාදියෙක්. සැප්තැම්බර් 11 වෙනිදා පටන් ගන්නා 10 වන වාරයේදී ගෝර්ව ක්රීඩකයින්ට අලුතින්ම දකින්න ලැබෙනවා.
මේ අලුත් වාරයේදී ගෝර් විතරක් නෙවෙයි, තවත් අලුත් දේවල් ගොඩක් එකතු වෙනවා. සැප්තැම්බර් 24 වෙනිදා අලුත් ‘God Quarry’ සිතියමකුත් එනවා වගේම, ක්රීඩකයින්ට අලුත් ඇඳුම් පැළඳුම් සහ විශේෂ ඉසව් රැසක් අත්විඳින්න පුළුවන්. මේ වතාවේ අලුත් වීරයන් දෙන්නෙක් වෙනුවට ගෝර්ව විතරක් හඳුන්වා දෙන්නේ, ඉදිරියේදී එන්න තියෙන ‘Path to Doomsday’ ඉසව්ව වෙනුවෙන් වැඩි අවධානයක් යොමු කරන්නයි. කොහොම වුණත්, ලොකීගේ රසිකයන්ට නම් මේක ටිකක් දුක හිතෙන ආරංචියක් වුණත්, ගෝර්ගේ ආගමනයත් එක්ක මාර්වල් රයිවල්ස් ක්රීඩාව තවත් උද්යෝගිමත් වේවි කියලා තමයි හැමෝම බලාපොරොත්තු වෙන්නේ.

Discussion & Feedback