මෙටා සමාගමේ නිර්මාතෘ මාක් සකර්බර්ග් අලුත්ම අනාවැකියක් පල කරලා තියෙනවා. ඔහු කියන විදිහට ඉදිරි වසර පහ ඇතුළත ලෝකයේ බිලියන ගණනක් ජනතාවට තමන්ගේම කියලා පෞද්ගලික AI සහායකයන් (Personal AI Agents) ලැබෙනවා. මේ සහායකයන් අපේ දෛනික වැඩකටයුතු, සෞඛ්ය තත්ත්වයන්, මූල්ය කටයුතු සහ පවුලේ දේවල් පවා කළමනාකරණය කරන්න උදව් වෙනවා. විශේෂයෙන්ම වට්ස්ඇප් වගේ පණිවිඩ හුවමාරු වේදිකා හරහා මේ තාක්ෂණය අපේ ජීවිතවලට තදින්ම බද්ධ වෙන බවයි ඔහු පෙන්වා දෙන්නේ.
මේ වෙනුවෙන් මෙටා සමාගම විශාල වශයෙන් මුදල් ආයෝජනය කරනවා. නමුත් මේ දැවැන්ත වියදම් නිසා සමාගමේ කොටස් මිල ගණන්වල යම් පසුබෑමක් දකින්න ලැබුණා. විශේෂයෙන්ම රියැලිටි ලැබ්ස් වැනි අංශවලට බිලියන ගණනින් පාඩු සිදුවෙද්දී, AI යටිතල පහසුකම් සඳහා තවත් ඩොලර් බිලියන ගණනක් වියදම් කිරීමට ඔවුන් තීරණය කරලා තියෙනවා. ගූගල් සහ ඇන්ත්රොපික් වැනි සමාගම් ද මේ තරඟයේ ඉදිරියෙන්ම ඉන්නවා.
සකර්බර්ග් විශ්වාස කරන්නේ මේ AI සහායකයන් තමයි අනාගතයේ මෙටා සමාගමේ ආදායම් මාර්ගවල පදනම වෙන්නේ කියලා. දැනටමත් ව්යාපාරික ක්ෂේත්රයේ මිලියනයකට අධික පිරිසක් මේ තාක්ෂණය භාවිතා කරනවා. සාමාන්ය පාරිභෝගිකයන් අතරට මේක කොයිතරම් දුරට සාර්ථක වෙයිද කියන එක ප්රශ්නයක් වුණත්, සකර්බර්ග් නම් ඉන්නේ ලොකු බලාපොරොත්තුවකින්. කොහොම වුණත්, මේ තාක්ෂණය නිසා පරිසරයට සිදුවිය හැකි බලපෑම් ගැනත් ලෝකය පුරා කතාබහක් ඇතිවෙලා තියෙනවා.

Discussion & Feedback