ලංකා ඛනිජ තෙල් සංවර්ධන අධිකාරිය විසින් මන්නාරම් ද්රෝණියේ තෙල් සහ ගෑස් ගවේෂණය කිරීම සඳහා වන නව බලපත්ර වටය අද නිල වශයෙන් ආරම්භ කළා. ලංකා ඛනිජ තෙල් සංස්ථාවේ ප්රධාන කාර්යාලයේ පැවති මෙම විශේෂ උත්සවයට විදුලිබල හා ගුවන් සේවා අමාත්ය අනුර කරුණාතිලක මහතා සහ කම්කරු අමාත්ය හා මුදල් නියෝජ්ය අමාත්ය අනිල් ජයන්ත ප්රනාන්දු මහතා ඇතුළු පිරිසක් එක්ව සිටියා. මෙම වැඩසටහන යටතේ මන්නාරම් ද්රෝණියේ වර්ග කිලෝමීටර් 34,000ක පමණ භූමි ප්රදේශයක් ආවරණය වන පරිදි ගවේෂණ කොටස් හතරක් ජාත්යන්තර බලශක්ති සමාගම් වෙත ලබා දීමට නියමිතයි.
මීට පෙර සිදු කළ මූලික ගවේෂණවලදී මෙම කලාපයේ ස්වාභාවික වායු සහ ඛනිජ තෙල් පවතින බවට තහවුරු වී තිබෙනවා. අධිකාරියේ අධ්යක්ෂ ජනරාල් නීල් ද සිල්වා මහතා පවසන පරිදි, දැන් ජාත්යන්තර සමාගම්වලට නවීන තාක්ෂණය සහ භූ විද්යාත්මක දත්ත භාවිත කරමින් වැඩිදුර ගවේෂණ කටයුතු සිදු කිරීමට අවස්ථාව ලැබෙනවා. දැනට පවතින ඇස්තමේන්තු අනුව, මෙම ද්රෝණිය තුළින් පෙට්රෝලියම් බැරල් බිලියන 2ක් සහ ස්වාභාවික වායු ඝන අඩි ට්රිලියන 9ක් පමණ ලබා ගැනීමට හැකි වනු ඇතැයි අපේක්ෂා කරනවා. රටේ ආර්ථිකයට විශාල ශක්තියක් වෙමින් මෙම ව්යාපෘතිය ඉදිරියේදී ක්රියාත්මක වනු ඇති බවයි බලධාරීන් පවසන්නේ.

Discussion & Feedback