සිංගප්පූරුවේ ප්රසිද්ධ ලොජිස්ටික් සමාගමක ප්රධාන විධායක නිලධාරියෙක් තමන්ගේ හිටපු පෙම්වතියට ආදර සම්බන්ධතාවය පවතින කාලයේදී වියදම් කළ රුපියල් ලක්ෂ ගණනක මුදලක් නැවත ලබාගන්න උත්සාහ කළත්, අවසානයේ ඔහුට සිද්ධ වුණේ නඩුව පරාද වෙන්නයි. චන්දර් අගර්වාල් කියන මේ පුද්ගලයා තමන්ගේ පෙම්වතිය වුණු ෆෙලිෂියා ලී වෙනුවෙන් විදෙස් සංචාර, ක්රෙඩිට් කාඩ් බිල්පත් සහ තවත් විවිධ දේවල් සඳහා ඇමරිකානු ඩොලර් 369,000කට වැඩි මුදලක් වියදම් කරලා තියෙනවා. සම්බන්ධතාවය බිඳ වැටුණට පස්සේ, මේ මුදල් තමන් දුන්නේ ණයට කියලා ඔහු උසාවියේදී තර්ක කළත්, විනිසුරුවරයා ඒක ප්රතික්ෂේප කළා.
විනිසුරුවරයා තමන්ගේ තීන්දුව ප්රකාශ කරමින් කිව්වේ, මේ මුදල් ඔහු කැමැත්තෙන්ම තෑගි ලෙස ලබා දී ඇති බවයි. අගර්වාල් මේ මුදල් ලබා දුන්නේ ආදරය නිසා බවත්, සම්බන්ධතාවය අවසන් වුණාට පස්සේ ඇති වුණු තරහ නිසා ඔහු ඇගෙන් පළිගන්න උත්සාහ කරන බවත් විනිසුරුවරයා පෙන්වා දුන්නා. මේ සඳහා කිසිදු ලිඛිත සාක්ෂියක් හෝ ණය ගිවිසුමක් නොතිබීමත් ඔහුට අවාසියක් වුණා. ඇත්තටම ආදරය වෛරයක් බවට පත් වුණාම මිනිස්සු කොයි තරම් අන්තයකට යනවාද කියන එක මේ සිද්ධියෙන් හොඳටම පැහැදිලි වෙනවා කියලා විනිසුරුවරයා සඳහන් කළා. කොහොම වුණත්, අවසානයේදී අගර්වාල්ට තමන් වියදම් කළ කිසිදු මුදලක් නැවත ලබාගන්න බැරි වුණා.

Discussion & Feedback