ස්විට්සර්ලන්තයේ ආරාවු නගරයේ පැවති ටෙක්නෝ සංගීත සාදයක් අතරතුර සිදුවූ වෙඩි තැබීමකින් 22 හැවිරිදි ඉතාලි ජාතික තරුණියක් ජීවිතක්ෂයට පත්වෙලා තියෙනවා. අශ්ව රේස් පිටියක පැවති මෙම සාදය අතරතුර සිදුවූ මෙම අවාසනාවන්ත සිදුවීමෙන් තවත් කිහිප දෙනෙක් තුවාල ලබා රෝහල්ගත කර තිබෙනවා. මේ සිදුවීමත් එක්කම ප්රදේශය පුරා දැඩි නොසන්සුන්කාරී තත්ත්වයක් ඇති වුණා.
වෙඩි තැබීමෙන් පස්සේ සැකකරු පලා ගිය අතර, පොලිසිය පැය 24ක් පුරා සිදුකළ දැවැන්ත මෙහෙයුමකින් පස්සේ සඳුදා අලුයම 43 හැවිරිදි ස්විට්සර්ලන්ත ජාතිකයෙක්ව අත්අඩංගුවට ගැනීමට සමත් වුණා. මේ වෙඩි තැබීම පිටුපස තියෙන හේතුව සහ සිදුවූ ආකාරය ගැන පොලිසිය මේ වන විටත් පුළුල් පරීක්ෂණයක් ආරම්භ කරලා තියෙනවා. මූලික විමර්ශනවලට අනුව සැකකරු තනිවම මේ අපරාධය සිදුකර ඇති බවටයි පොලිසිය සැක කරන්නේ.
සාදයට සහභාගී වුණු පිරිස අතර මේ සිදුවීම නිසා ලොකු බියක් ඇති වුණා. සිද්ධිය සම්බන්ධයෙන් වැඩිදුර තොරතුරු ඉදිරියේදී අනාවරණය කරන බව පොලිසිය පවසනවා. සාමකාමීව පැවති සාදයක් මෙවැනි ඛේදවාචකයකින් අවසන් වීම ගැන බොහෝ දෙනෙක් කම්පනයට පත්වෙලා ඉන්නවා.

Discussion & Feedback