හොලිවුඩයේ ජනප්‍රිය ‘Friday the 13th’ චිත්‍රපට මාලාවේ එන බිහිසුණු ඝාතක ජේසන් වූර්හීස්ගේ මව වන පැමෙලා වූර්හීස්ගේ චරිතයට පණ පොවන්න ලින්ඩා කාඩෙලිනි සූදානම් වෙනවා. Peacock නාලිකාව හරහා විකාශය වීමට නියමිත ‘Crystal Lake’ කතා මාලාව තුළින් ඇයව අපිට දැකගන්න පුළුවන්. මේ චරිතය ගැන අදහස් දක්වපු ලින්ඩා කියන්නේ, තමන්ට ලැබුණු මේ අවස්ථාව ගැන ගොඩක් සතුටුයි කියලා. මුල්ම චිත්‍රපටයේ පැමෙලාගේ චරිතය රඟපෑ බෙට්සි පාමර්ට ගෞරවයක් විදිහට, ඇය ඇඳපු ප්‍රසිද්ධ ස්වෙටර් එක මේ කතා මාලාවේදීත් දකින්න ලැබෙන බව ඇය රහසක් විදිහට හෙළි කළා.
මේ චරිතය රඟපාන අතරතුර ලින්ඩාට ගොඩක් අභියෝගාත්මක දර්ශනවලට මුහුණ දෙන්න සිද්ධ වුණා. විශේෂයෙන්ම ලේ තැවරුණු දර්ශනයක් රූගත කිරීමේදී ඇයට ගොඩක් මහන්සි වෙන්න වුණා කියලා තමයි ඇය කියන්නේ. ඒ දර්ශනය හරියටම රූගත කරන්න කිහිප වතාවක්ම උත්සාහ කරන්න සිද්ධ වුණා. ඒත් ලින්ඩා ඒ හැම දර්ශනයක්ම ඉතාම දක්ෂ විදිහට රඟපෑවා කියලා කතා මාලාවේ අධ්‍යක්ෂ බ්‍රැඩ් කේලබ් කේන් පවසනවා. බෙට්සි පාමර්ගේ රංගනය අනුකරණය කරනවාට වඩා, ජේසන්ගේ ළමා කාලය සහ මවක් විදිහට ඇයගේ ආදරය මේ කතා මාලාවෙන් ඉස්මතු කරන්න තමයි ලින්ඩා උත්සාහ කරන්නේ. ඔක්තෝබර් 15 වෙනිදා විකාශය ආරම්භ වෙන මේ කතා මාලාව ගැන රසිකයන් ලොකු බලාපොරොත්තුවකින් ඉන්නේ.
Discussion & Feedback