හොලිවුඩ් සිනමාවේ අතිශය ජනප්‍රිය ‘එක්සෝසිස්ට්’ (The Exorcist) චිත්‍රපටයේ රඟපෑ ලින්ඩා බ්ලෙයාර් මේ දිනවල අලුත්ම ආරංචියක් එක්ක මාධ්‍යවල කතාබහට ලක්වෙනවා. ඇය මේ වෙද්දි සතුන් සුරැකීමේ කටයුතුවල නිරත වෙලා ඉන්නවා. පසුගිය දිනක ලොස් ඇන්ජලීස් ප්‍රාන්තයේ සත්ව සුභසාධක දෙපාර්තමේන්තුව ඇයගේ දේපළ පරීක්ෂා කිරීමක් සිදු කළා. ඇයගේ මේ මධ්‍යස්ථානයේ බල්ලන් දෙසීයකට ආසන්න ප්‍රමාණයක් ඉන්නා බවට වාර්තා වුණා. මේ පරීක්ෂාව සිද්ධ වුණේ නීතිමය කටයුතු සහ ලේඛනවල තිබුණු යම් යම් අඩුපාඩුකම් පරීක්ෂා කරන්නයි.
මේ සිදුවීම ගැන ලින්ඩා ඉන්ස්ටග්‍රෑම් හරහා වීඩියෝවක් නිකුත් කරමින් කිව්වේ තමන් සහ තමන් බලාගන්නා සතුන් සියලු දෙනාම හොඳින් ඉන්නා බවයි. ඇය කියන විදිහට මේක ලොකු ප්‍රශ්නයක් නෙවෙයි, හුදෙක් ලේඛන කටයුතු කිහිපයක් සම්පූර්ණ කරගැනීම පමණයි. සතුන් බේරාගැනීමේ කාර්යබහුල වැඩ නිසා සමහර ලිපි ලේඛන මගහැරී තිබීම ගැන ඇය කනගාටුව පළ කළා. ඇය තවදුරටත් කියන්නේ තමන් මේ සතුන් වෙනුවෙන් දිගටම කැපවෙන බවත්, ඉදිරියේදී තවත් පහසුකම් සහිත තැනකට මාරු වෙන්න බලාපොරොත්තු වෙන බවත්ය. කොහොම වුණත්, ලින්ඩා මේ පරීක්ෂණ කටයුතුවලට සම්පූර්ණයෙන්ම සහයෝගය ලබා දීලා තියෙනවා.
Discussion & Feedback