අද දින (29) කාලගුණ විද්යා දෙපාර්තමේන්තුව විසින් දිවයිනේ ප්රදේශ කිහිපයක් සඳහා අකුණු අනතුරු ඇඟවීම් නිකුත් කර තිබෙනවා. විශේෂයෙන්ම ඌව සහ නැගෙනහිර පළාත්වලටත්, මුලතිව් සහ පොළොන්නරුව දිස්ත්රික්කවලටත් මෙම බලපෑම වැඩි වශයෙන් දැනෙනු ඇති බවයි ඔවුන් පවසන්නේ. අද රාත්රී 11.30 දක්වා වලංගු වන පරිදි මෙම අනතුරු ඇඟවීම් නිකුත් කර ඇති අතර, දිස්ත්රික්ක 07ක් සඳහා රතු නිවේදනත්, තවත් දිස්ත්රික්ක 18ක් සඳහා ඇම්බර් නිවේදනත් නිකුත් කිරීමට පියවර ගෙන තිබෙනවා.
මෙම කාලගුණික තත්ත්වයත් සමඟ අදාළ පළාත්වල සහ දිස්ත්රික්කවල තැනින් තැන ගිගුරුම් සහිත වැසි සමඟ ප්රබල අකුණු ඇතිවීමේ වැඩි ඉඩක් පවතිනවා. ඒ වගේම ගිගුරුම් සහිත වැසි ඇති වන අවස්ථාවලදී තාවකාලිකව තද සුළං ඇති විය හැකි බවත් කාලගුණ විද්යා දෙපාර්තමේන්තුව ජනතාවට සිහිපත් කරනවා. ඒ නිසා මේ දිනවල පවතින අයහපත් කාලගුණය ගැන වැඩි අවධානයකින් ඉන්න කියලා අපි හැමෝමගෙන්ම ඉල්ලා සිටිනවා.
අකුණු අනතුරු නිසා සිදුවිය හැකි හානි අවම කරගන්න අවශ්ය පූර්වාරක්ෂක පියවර ගන්නා ලෙසත් බලධාරීන් ජනතාවගෙන් කාරුණිකව ඉල්ලා සිටිනවා. විශේෂයෙන්ම එළිමහනේ වැඩ කරන විට සහ විවෘත ස්ථානවල ගැවසෙන විට ඉතාමත් කල්පනාකාරී වෙන්න. අකුණු අනතුරු ඇඟවීම් පිළිබඳව නිකුත් කරන නවතම තොරතුරු ගැන නිරන්තරයෙන් විමසිල්ලෙන් සිටීමෙන් ඔබටත් ඔබේ පවුලේ අයටත් අනතුරු වළක්වා ගන්න පුළුවන්.

Discussion & Feedback